LEXO PA REKLAMA!

SHKARKO APP

Rinumërimi për kandidatët/ Komisionerët masakër mbi votat preferenciale

21 Tetor 2021, 14:57, Politikë CNA
Rinumërimi për kandidatët/ Komisionerët masakër mbi

KQZ ka nisur procesin e verifikimit të rezultatit të nxjerrë nga Komisionerët Zgjedhorë. Deri tani është hapur dhe rinumëruar vetëm një pjesë e vogël.

Deri në këtë fazë nuk rezultojnë diferenca në rezultatin e nxjerrë nga Komisioberët për votat që u takojnë subjekteve zgjedhore.

Por me gjithë numrin ende të vogël të fletëve të verifikuara, për votat preferenciale rezultojnë diferenca të mëdha në emër të kandidatëve.

Kështu deri tani:

– demokratit Zef Hila në Shkodër në vetëm 40 kuti të hapura, i janë shtuar 104 vota;

-demokratit Helidon Bushati i janë hequr 87 vota.

– socialistit Eduard Shalsi i janë shtuar 86 vota të padrejta,

-socialistes Elisa Spiropali i janë llogaritur 20 vota plus;

– socialistit Fatmir Xhafaj i janë hequr 43 vota;

– socialistes Belinda Balluku i janë hequr 30 vota;

– kryetarit Edi Rama rezulton se i janë hequr 11 vota,

– socialistit Rrahman Rrahja i janë shtuar 19 vota.

– kryetarit Basha i janë hequr 21 vota,

– ish-kryetarit Berisha i janë hequr 11.

-demokrates Ledina Fratari, i janë dhuruar 48 vota plus, vetëm në kutitë e hapura deri më tani.

Këto shifra mund te vlerësohet që janë janë vetëm një pjesë e vogël e manipulimit nga komisionerët, pasi kutitë e hapura janë një pjesë ende e vogël e atyre që është vendosur të rihapen për tu verifikuar.

Nëse shifrat e manipulimit i shtrijme dhe i projektojmë në totalin e kutive të votimit, atëherë deformimi merr trajten e një fenomeni të madh manipulimi dhe deformimi të turpshëm të votës preferenciale në nivel kombëtar. /CNA.al

Lajmet e fundit nga