web counter
LEXO PA REKLAMA!

SHKARKO APP

App Store
Google Play

E fundit!

x

LSI e paditi në SPAK/ Reagon Alqi Bllako

21 Tetor 2021, 13:58, Politikë CNA

Lëvizjes Socialiste për Integrim duket se nuk i ka dalë inati me ata që e ?tradhtuan? dhe iu bashkuan Partisë Socialiste. Ditën e sotme, LSI paditi në SPAK ish ministrin e Mjedisit Lefter Koka dhe ish sekretarin e përgjithshëm të kësaj ministrie Alqi Bllako në lidhje me inceneratorin e Fierit.

Ky i fundit, reagoi pas padisë së LSI-së duke u shprehur se nuk ka pasur asnjë rol në procedurat vendimmarrëse për dhënien e koncesionit.

Deputeti i PS shtoi në një reagim për Neës 24 se nuk ka qenë në dijeni të kësaj padie dhe është njohur vetëm përmes medias.

?Jam njohur nëpërmjet medias me padinë e tretë apo të katërt për të njëjtën çështje, e cila rihidhet në treg me qëllimin e vetëm për të prodhuar zhurmë.

Pavarësisht pozicionit që kam mbajtur si Sekretar i Përgjithshëm pranë Ministrisë së Mjedisit, ligji për konçensionet dhe partneritetin publik-privat i ka fare qartë të përcaktuara rolet dhe detyrat e çdo institucioni të përfshirë në proçes apo titullar/anëtar të komisioneve përkatëse.

Duke shprehur besimin se kolegët e çdo institucioni kanë zbatuar rigorozisht ligjin, deklaroj me përgjegjësi të plotë se kam patur zero rol në çdo proçedurë vendimmarrëse për dhënien e këtyre konçesioneve direkt apo indirekt. Në çdo rast, ju përket vetëm organeve të drejtësisë të përcaktojnë nëse ka ose jo shkelje; dhe nëse po, cilët janë personat përgjegjës.

Sa i përket atyre që vazhdojnë të hedhin në treg akuza të tilla, mendoj se vetingu i politikanëve do t?i jepte njëherë e përgjithmonë fund kësaj tallje publike?, thekson ai./CNA.al





Lajmet e fundit nga