E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Si po i bie Bashës lista e kandidatëve në Lezhë

21 Tetor 2021, 14:45, Politikë CNA

Partia Demokratike arriti të siguronte 4 mandate parlamentare në Qarkun e Lezhës në zgjedhjet e 25 prillit. Megjthatë duket se lista e kësaj force politike është e paqëndreshme, Bashës po i përmbyset lista dhe kjo tashmë është fakt.

Emrat e Mark Markut, Agron Gjekmarkajt, Lindita Metaliaj dhe Kastriot Piroli, të cilët arritën të siguronin mandatin e deputeti janë zhvendosur, dikush me dorëheqje e dikush prej problemeve me dekriminalizimin.

Fillimisht ishte Mark Marku, i cili u vendos kryetar i komisionit për vettingun e kandidatëve. Bashkë me anëtarët e tjerë, ata deklaruan se ata që do të bënin vettingun, nuk do të kandidonin vetë.

Mirëpo ky ?ligj? duket se ra shumë shpejt. Mark Marku, i cili skualifikoi kandidatët e tjerë, vendosi të kandidojë vetë, dhe fitoi mandatin e deputetit me 5321 vota. Por pasi fitoi dhe erdhi koha për tu futur në paralament, Marku u tërhoq, duke dalë kundër Bashës, dhe hoqi dorë nga mandati.

Megjithatë, kujtojmë se asokohe Basha nuk e pyeti shumë, dhe ata që hoqi Marku, Luli i vuri prap në lista. Basha vuri Gjekmarkaj në dy emrat e parë. E mori nga rruga e dhe pa e votuar në parti, pa asnjë lidhje me PD, pa qenë asnjë ditë, por me idenë që është një person publik dhe do fitonte vota.

Pasi ai dha dorëheqjen dhe ra nga lista, madatin e mori Elda Hoti, të cilën Basha e kishte vënë të 9 në listë. Megjthatë edhe emri i saj rrezikon të bie.

Sot në KQZ, por edhe në Kuvend ka mbërritur një denoncim kundrejt deputetes së Lezhës Elda Hoti. Denoncimi ka lidhje me dekriminalizimin. Sipas ankesës së dorëzuar në KQZ, Hoti ka fshehur ndryshimin e emrin të babait të saj nga David Hoti, në Artan Hoti.Ndërkohë që ka pasur probleme dhe me ish bashkëshortin, me të cilin pretendohet se është divorcuar, megjithëse flitet se është një divorc formal.

Pra pas rënies se Mark Markut dhe në rast se Elda Hoti ikën, sipas radhës së KQZ , i bie që deputete të hyjë numri 6 sipas listës, Roza Hilaj.

Tani Hilaj pritet të marrë mandatin e deputetit, çka do të thotë se lista e Lulzim Bashës në Qarkun e Lezhës, përmbyset e tëra.

E para për shkak të dorëheqjes së Mark Markut, e dyta për shkak të Elda Hotit e cila del me problematika, dhe e treta, sepse Gjekmarkaj nuk ka shkelur asnjë ditë në Lezhë dhe PD ka ngelur pa përfqësim. Kanë Agron Gjekmarkaj, i cili merret më shumë duke folur televizioneve se sa merret me problemet e njerëzve./CNA.al

U shpall tradhëtare nga Mona dhe u “strehua” tek Luli/ Kush do të zërë vendin e Markut në Kuvend

“Babai me të shkuar kriminale??/ Denoncohet në KQZ dhe SPAK, deputetja e Bashës