web counter
LEXO PA REKLAMA!

SHKARKO APP

App Store
Google Play

E fundit!

x

Evropa është vetë fajtore pse bota nuk e merr seriozisht

28 Shtator 2021, 07:32, Blog CNA

Franca është e zemëruar. Arsyeja më e dukshme është se marrëveshja e re britaniko-amerikane për ta furnizuar Australinë me nëndetëse që punojnë me energji bërthamore dhe jo naftë, i ka kushtuar asaj një kontratë shumë fitimprurëse në fushën e mbrojtjes.

Por arsyeja e vërtetë e këtij zemërimi,  është se aleanca në zhvillim dhe që synon t?i kundërvihet ambicieve imperialiste të Partisë Komuniste Kineze, nënvizon pafuqinë e Francës – dhe mungesën e rëndësisë së planeve të saj për ?autonominë strategjike? evropiane.

Dhe marrëveshja mbi nëndetëset është vetëm fillimi. Bashkëpunimi Australi-Britani e Madhe-SHBA, do të shtrihet në fushat më jetike të bashkëpunimit në fushën e teknologjisë së lartë të sigurisë:konkurrimi me kompleksin industrial të partisë-shtet sa i përket përllogaritjes kuantike, inteligjencës artificiale, shkencës së materialeve të rralla dhe aftësitë e tjera që janë të afta ta ndryshojnë situatën.

Po kështu do të ndodhe edhe me evropianët. Leksioni i javëve të fundit, është se bota nuk funksionon sipas ?orës? së Brukselit, me periudhat e saj të gjata të konsultimeve, vëmendjen deri maniakale ndaj cikleve zgjedhore të 27 vendeve anëtare, dhe fundjavave, mbrëmjeve dhe pushimeve të drekës.

së Brukselit, BE-ja e ka të vështirë të përballojë kërcënimet afër saj (brishtësia në Ballkanin Perëndimor, goditja e opozitës në Bjellorusi, xhihadistët në Sahel, lufta civile në Siri), lëre më pastaj superfuqitë si Rusia dhe Kina.

Rezultati: kur vendet serioze ndërmarrin hapa seriozë për t?u përballur me kërcënimet serioze, vendet joserioze lihen mënjanë. Nuk ka asnjë dyshim, se marrëveshja e re AUKUS, mund të ishte komunikuar më mirë. Por Franca – sipas standardeve evropiane kontinentale – është një peshë e rëndë në fushën e sigurisë globale.

Ajo ka interesat e saj në rajonin Indo-Paqësor. Vendimmarrësit britanikë dhe ata amerikanë, duhet t?i kushtojnë tani kohë dhe përpjekje riparimit të marrëdhënieve me homologët e tyre në Paris. Por barra kryesore, duhet të mbahet sërish nga evropianët.

Çmimi i besueshmërisë është aftësia:kur evropianët të tregojnë se mund të ushtrojnë pushtetin diplomatik, ekonomik dhe ushtarak në një mënyrë të qëndrueshme dhe të vendosur, ata do të jenë gjithashtu në gjendje të tregojnë se janë partnerë të vlefshëm në garantimin e sigurisë globale.

Kjo nuk nënkupton aspak nënshtrim ndaj Anglosferës. Përkundrazi, ajo i vendos evropianët në pozicionin për të luajtur me ?djemtë e mëdhenj?. Askush nuk i ndalon që ta arrijnë këtë gjë. Nëpër rrugët e Brukselit, Parisit apo Berlinit nuk ka (ende) ka tanke kineze apo ruse. Dhe as paratë nuk janë problem.

Por një vend i mirë për t?ia filluar do të ishte Rusia. Tani për tani, Evropa mund të mbështetet ende në angazhimin ushtarak të Shteteve të Bashkuara ndaj NATO-s. Por përballimi i dashakeqësisë dhe brutalitetit të Kremlinit, kërkon më shumë se sa vetëm një përgjigje ushtarake.

Nuk është detyrë e aleancës tranatlantike që të merret me shantazhin e Rusisë përmes energjisë, gjë që ka rritur në maksimum çmimet e gazit natyror në të gjithë Evropën, duke rënduar më tej buxhetet e familjeve, dhe duke nxitur paralajmërimet për një krizë në këtë industri.

Dhe ai mundet që të frenojë flukset e parave të pista. Një prioritet i veçantë tani është siguria dhe mirëqenia e rusëve që po i ikin represionit të Kremlinit ndaj veprimtarisë së pavarur politike, kulturore dhe mediatike. Qindra rusë janë larguar nga vendi, kryesisht në vendet fqinje me Rusinë, si Lituania, Ukraina dhe Gjeorgjia.

Më shumë të tjerë do t?i pasojnë. Ata kanë nevojë për mbështetje financiare, sociale dhe psikologjike. Sigurimi që kjo gjë është brenda fuqisë dhe mundësisë së Evropës, do të ishte të paktën një hap drejt zgjimit të vonuar gjeopolitik të kontinentit..

Përkthyer dhe përshtatur nga CNA.al





Lajmet e fundit nga