web counter
LEXO PA REKLAMA!

SHKARKO APP

App Store
Google Play

Gajasjet në parlament/ Flet deputeti i PD: Se prish terezinë fare, tregova realitetin e Lushnjes

17 Shtator 2021, 17:46, Politikë CNA

Deputeti i PD, që përfaqëson Lushnjen, Sajmir Korreshi është bërë sot kryefjala e të gjitha mediave.

Fjalimi i tij në parlament u shoqërua me të qeshura nga demokratë dhe socialistë, madje edhe nga vetë kreu i PD Lulzim Basha.

Pas gjithë jehonës në media, Korreshi ka folur për herë të parë dhe ka treguar se ajo që ndodhi në parlament nuk është aspak shqetësuese për të.

Në një intervistë për Syri Tv, Korreshi tha se ai tregoi situatën tragjikomike në të cilën ndodhet Lushnja.

Më tej ai zbuloi edhe një detaj shumë problematik, duke treguar se në Spitalin e Lushnjes nuk funksionon asgjë.

?Spitali i Lushnjës është sot vetëm për synetlliqe dhe apendecit. Në Lushnjë pas orës 8 të darkës ka vetëm burra e qen?, ka thënë Korreshi.

?Është keqkuptim i mediave. Pata mundësi që të shprehem në Kuvend. Për mua nuk ka asnjë problem nëse qesh.

Ndoshta kreu i PD i dinte batutat. Ishte seancë maratonë e gjatë, kemi qenë vetëm ne deputetët e opozitës, edhe ministrat nuk patën guxim të rrinë në foltore. Situata ku jemi është tragji-komike. Unë godita me shakanë dhe humorin për të treguar situatën tragji-komike ku ndodhemi.

Realisht Lushnja është në situatë të rëndë ekonomike. Po të shikoni unë s?e kam prishur terezinë fare, ishin doza humori. Nuk ka qenë mungesë respekti për fjalën time.

Unë preka realitetin në Lushnjë, ata ministra nuk e dinë gjendjen ku ndodhet Spitali i Lushnjës. Spitali i Lushnjës është sot vetëm për synetlliqe dhe apendecit. Në Lushnjë pas orës 8 të darkës ka vetëm burra e qen?, tha ndër të tjera demokrati Korreshi. ./ CNA.al





Lajmet e fundit nga