web counter
LEXO PA REKLAMA!

SHKARKO APP

App Store
Google Play

E fundit!

x

“U tradhëtua nga partia e tij 2 javë para zgjedhjeve”/ Manjani i del në mbrojtje Luan Ramës

30 Gusht 2021, 14:57, Politikë CNA

Nënkryetari i LSI, Luan Rama ka dhënë sot dorëheqjen nga të gjitha funksionet politike në këtë parti.

Në mbrojtje të këtij të fundit ka dalë ish ministri i Drejtësisë, Ylli Manjani.

Manjani shkruan se Rama nuk ka asnjë përgjegjësi për humbjen e mandatit në Vlorë, pasi ai vetë u shpall tradhëtar para zgjedhjeve nga vete LSI.

Sipas Manjanit, LSI-ja bënte thirrje që të votohej numri dy i listës, dhe jo numri një që ishte vetë Rama, duke e tradhëtuar këtë të fundit dhe duke u bërë vetë përgjegjës që të humbnin mandatin.

Postimi i Manjanit:

Luan Rama, pavarësisht arësyeve që parashtron në dorëheqjen së Tij nga detyrat partiake, NUK KA ASNJË PËRGJEGJËSI politike për humbjen e mandatit të LSI në Vlorë.

Në parim shqiptarët në zgjedhjet e fundit gjykuan LSI, jo kandidatët e saj.

E çfarë gjykimi, pa!?

Në Vlorë, ekuacioni u bë edhe më i vështirë kur 2 javë para ditës së votimit Luani u shpall ?tradhëtar?!!!!

Se kë e çfarë tradhëtoi Luani një dreq e di!? Them dreq se nuk dua të ngatërroj zotin me këto punë?

Të shpallesh armik para votimit, të dilet në thirrje publike ?mos votoni Luanin? dhe, të mendosh të marrësh dhe mandat këtë vetëm një politikë e çakërdisur e bën!

Ndaj them se Luani nuk ka asnjë përgjegjësi.

Ai nuk është vlonjat dhe e nuk mori votat e shokëve të lagjes, që të jetë përgjegjës. Ai shkoi atje si përfaqësues politik dhe u shpall armik nga partia e tij, mu para votimit. LSI bënte thirrje të votohej nr. 2 i listës?

Ja, kaq e thjeshtë është!

Nga ana tjetër, Luani s?ka përse spjegohet gjatë për dorëheqjen e Tij, sepse ai nuk është i dorëhequr, por i tradhëtuar! I tradhëtuar, por edhe i dënuar për tradhëti?

 





Lajmet e fundit nga