E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

PD mbledh sot Këshillin Kombëtar/ Çfarë pritet të ndodhë, cili është ekipi i Bashës

30 Gusht 2021, 07:23, Politikë CNA

Partia Demokratike do të mbledhë Këshillin Kombëtar, ku do të zgjidhet pasuesi i Bujar Nishanit, Kryesia e re, Sekretariatet, Departamentet, por edhe organet e tjera brenda partisë.

Ashtu sikurse CNA.al e ka raportuar, mbledhja e sotme e Këshillit Kombëtar duket të jetë thjeshtë një formalitet, pasi Basha ka gati emrat e ekipit të tij.

Emrat u propozuan të gjithë nga kreu i PD-së, dhe ajo që vihej re ishte se Basha ka zgjedhur që në kupolën drejtuese të mbajë afër të besuarit e tij, duke larguar edhe ato pak zëra kritikë që kishin mbetur në PD.

Mbledhja e sotme e Këshillit Kombëtar, është vetëm një formalitet, për të konfirmuar të zgjedhurit e tij.

Alfred Rushaj, do të marrë postin e Kreut të Grupit Parlamentar. Rushaj ishte edhe drejtuesi i fushatës se PD në zgjedhjet e 25 prillit 2021.

CNA.al ka raportuar edhe më parë, se dy emrat të cilët pritet të lëvizin nga posti i nënkryetarit të PD, janë Edi Paloka dhe Edmond Spaho.

Enkelejd Alibeaj, Nënkryetar i Kuvendit

Jorida Tabaku, Nënkryetare përgjegjës për marrëdhëniet me Jashtë

Grida Duma, Nënkryetar përgjegjës për marrëdhëniet me shoqërinë Civile

Flutura Açka, kryetare e Komisionisit të Apelimit dhe Etikës

Jemin Gjana, Kryetar i Komisionit Zgjedhor

Gjithashtu Basha sot pritet të zgjedhë edhe pasuesin e Bujar Nishanit në krye të Këshillit Kombëtar.

Bujar Nishani, një ndër zërat më kritik kundër kreut të PD, Lulzim Basha, nuk do jetë më Kryetar i Këshillit Kombëtar. Personi qe do ta zëvëndësojë është Edi Paloka.

Ndërsa një emër i cili nuk lëviz, është besniku i Lulzim Bashës, Gazment Bardhi, i cili mesa duket do të vijojë të mbajë postin e Sekretarit të Përgjithshëm.

Nga ana tjetër Basha pritet të rikthejë edhe departamente, të cilati përdor si ?as nën mëngë?, për të bërë ?qokat? e tij, për ata që I rrinë nga pas dhe janë aq të ?guximshëm?, sa mos e kundërshtojnë.

Në departamente pritet të ketë shumë emra që do rivalizojnë që nga Kreshnik Çollaku, Ervin Salianji, Luçiano Boçi, Gazmend Koduzi, Bardh Spahia, Fitim Zekthi, Ina Zhupa, Orjola Pampuri e deri tek Flamur Noka apo Oerd Bylykbashi dhe Ivi Kaso.-raporton CNA.al.

Në postin e Sekretarit Organizativ Lulzim Basha ka propozuar Ervin Minarollin që pritet të zëvendësojë Sait Dollapin, i cili dha dorëheqjen pas humbjeve të zgjedhjeve.

Sekretar i Burimeve Njerëzore, Arta Sakja

Sekretar për Emigracionin dhe Diasporën, Belind Këllici

Sekretar për Pronarët dhe Cështjen e Pronave, Ledina Mandia

Sekretar për Klimën e Biznesit, Flamur Hoxha

Sekretare për të Përndjekurit Politik, Jonila Godole

Sekretar për Cështjet Ligjore dhe Zgjedhore, Ivi Kaso

Sekretar për Marrëdheniet me Publikun, Greta Bardeli

Sekretar I Koordinimit Elektoral, Taulant Zeneli

Sekretar për Organizatat Partnere, Oriela Nebiaj

Sekretar për Organizimin Dixhital, Endri Hasa

Po ashtu edhe kryesia e PD do të pësojë ndryshime. Nga 15 anëtarët e kryesisë, 10 prej tyre do të zgjidhen burra dhe 5 do të jenë gra.

Pra, mbledhja e Këshillit Kombëtar ditën e sotme, nuk do jetë asgjë më shumë sesa konfirmim i atyre emrave, që tashmë mesa duket janë vendosur nga Lulzim Basha dhe do bëhet vetëm një votim formal./CNA.al

Zbulohet nënkryetari i katërt i PD