web counter
LEXO PA REKLAMA!

SHKARKO APP

App Store
Google Play

20 vjetori i Marrëveshjes së Ohrit/ Meta: Mundësi për konsolodimin e paqes ndëretnike

13 Gusht 2021, 13:26, Politikë CNA

Presidenti Ilir Meta në 20 vjetorin e marrëveshjes së Ohrit ka deklaruar se ishte një mundësi e shkëlqyer për konsolidimin e mëtejshëm të paqes e harmonisë ndëretnike.

?Në 20-vjetorin e nënshkrimit të Marrëveshjes së Ohrit, duke vlerësuar progresin e deritanishëm domethënës për respektimin e saj, inkurajoj domosdoshmërinë e zbatimit të plotë dhe jetësimit integral, si një mundësi e shkëlqyer për konsolidimin e mëtejshëm të paqes e harmonisë ndëretnike, për të forcuar marrëdhëniet, si dhe për t’u afruar më pranë njëri-tjetrit dhe Bashkimit Europian?, është shprehur Meta.

Sipas Presidentit, shqiptarët në Maqedoninë e Veriut në këto dy dekada kanë qenë jo vetëm të përkushtuar për stabilitetin e vendit, por edhe garantë të integrimit euroatlantik të saj.

?Respektimi i të gjitha lirive dhe të drejtave të tyre, sipas standardeve më të avancuara europiane, është thelbësor ndaj e nxis një pjesëmarrje më të madhe dhe më cilësore të shqiptarëve, si faktor shtetformues, në jetën sociale, administrative e politike të Maqedonisë së Veriut.

 Përshëndetje vëllazërore dhe krenar për bashkëkombasit tanë, për rolin dhe angazhimin e tyre aktiv, konstruktiv dhe të pazëvendësueshëm për sovranitetin dhe integrimin euroatlantik të Maqedonisë së Veriut?, shkruan më tej Presidenti./CNA.al





Lajmet e fundit nga