Skandalet e kreut të PD-së/ Basha çoi “Babalen në vendin e krimit”

13 Gusht 2021, 09:01, Politikë CNA

Dega e Partisë Demokratike në Korçë, thuajse është shpërbërë. Vala e largimeve që përfshiu këtë degë, pritet të pasohet edhe në rrethe të tjera.

Ndërkohë kreu i PD-së, Lulzim Basha me veprimet e tij po e thellon më tej shpërbërjen e PD-së.

Me veprimet që po ndërmerr, duket se Basha do ta çojë PD-në në nivelet e LSI, pra në një parti thuajse inekzistente, që vetëm emri i ka mbetur.

Një ditë më parë, Basha dërgoi drejt Korçës, deputetin Ervin Salianji. Apo më mirë të thuhet se Basha e dërgoi Salianjin në “vendin e krimit”.

Në vendin kur ai kishte kontribuuar për shpërbërjen e PD. Pasi e shkatërroi degën e PD-së në Korçë, duke këmbyer vlerat me Ervin Salianjin, ai merr guximin dhe e çon në të njëjtin vend.

Kthimi në vendin e krimit, është normal për ?kriminelët?, por jo për njerëzit me vlera. Kjo u pa dje në të ashtuquajturin takim të ?Babales? në Korçë.

Ervin Salianji u shfaq para një pusete me njerëz që i numëroheshin me gishta, pra aq sa kanë mbetur nga PD e Korçës. Shpërbërjen e degës së PD në Korçë, Salianji e konfimoi në mënyrën më perfekte.

Lulzim Basha, i cili vijon të fshihet pas ?Babaleve? njerëzve me të cilët po shkatërron çdo ditë e më shumë Partinë Demokratike, hesht.

Situata i ka dalë jashtë kontrollit në të gjithë vendin, Basha rri dhe numëron skandalet, herë nga zyra e kryetarit të PD, herë nga Holanda, herë nga resortet turistike apo nga plazhet.

Basha e ktheu PD në parti klienteliste dhe ?Babalesh?

Korça ishte e para që foli pa dorashka, për situatën e rëndë, në parti, për paaftësinë e Lulzim Bashës dhe jo vetëm.

Korça foli dhe bëri fakt, duke mos lejuar që të durojë më arrogancën e Lulzim Bashës dhe pazaret e tij në krye të PD-së me ?Babalen?. Demokratët e Korçës, duruan, por nuk lejuan që të zëvendësoheshin nga ?Babalja?.

Ishte Andrea Mano, njeriu që ka drejtuar degën e PD-së në Korçë, i pari që reagoi daj Bashës dhe ?Babales? së tij. Mano dhe 12 anëtarë të Kryesisë kanë dhënë dorëheqjen, në fund tw muajit Korrik, duke hedhur akuza të forta në drejtim të Lulzim Bashës.

Ata deklaruan se kishin zgjedhur që të jepnin dorëheqjen, pasi PD-ja në drejtimin e Lulzim Bashës është kthyer në një parti klienteliste për interesa të kryetarit, një parti ku mbizotëron arroganca, shpërfillja, nepotizmi dhe papërgjegjshmëria e lidershipit të PD.

Në ndryshim nga Lulzim Basha, që fajtor për humbjen në zgjedhjet e 25 prillit bëri Qeverinë, në deklaratën e dorëheqjes, thuhej se faji ishte i vetë Lulzim Bashës, i cili sipas tyre vuri në krye të listës emra që nuk përfaqësojnë vlerat dhe moralin e qytetarisë.

Nuk ka vonuar shumë dhe në PD-në e Korçës pasuan dorëheqje të tjera. Së fundmi 51 kryetarë, sekretarë seksionesh si dhe koordinatorë të Lëvizjes dhënë dorëheqjen nga postet drejtuese.

Në shkresën e bërë publike për mediat edhe ata akuzonin Lulzim Basha se me arrogancë po përpiqet ta kthejë PD-në në një parti klienteliste.

Sipas tyre, Basha ka hedhur poshtë mundin dhe sakrificat e demokratëve të Korçës gjatë opozitës më të vështirë të PD.

?Lideri aktual i saj, PD-së po përpiqet me arrogancë ta kthejë partinë në një parti klienteliste në funksion të interesave të tij personale. Me veprimet e tij mendojmë se Zoti Basha ka hedhur poshtë të gjithë mundin dhe sakrificat tona në opozitën më të vështirë të PD-së?, thuhet në njoftimin për mediat./CNA.al

?Tërmet? në PD-në e Korçës/ ?Basha arrogant, po e kthen PD në parti klienteliste?

Salianji dështon në Korçë/ Katandiset me një grusht njerëz në rrugë