E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

Rilindja ndahet në dy kampe/ Socialistët i ngrenë “kurthe” njëri-tjetrit

12 Gusht 2021, 09:56, Politikë CNA

“Qeveria e re do të formohet fill pas sezonit të verës, por puna për kalendarin e reformave legjislative dhe për planet e detajuara të ekzekutivit do të bëhet tani dhe deri në formimin e Qeverisë.

Jeni gati për ta braktisur luftën e llogores të vjetër politike dhe për ta përçuar këtë frymë dhe qasje të re në të gjithë organizmin e PS.

Mandati i tretë nuk duhet t’i ngjajë në asnjë mënyrë dy të parëve në marrëdhënie me opozitën, PD. Sado të na sulmojnë, të na provokojnë nga mos-gëlltitja e humbjes së tyre. Shqipëria na ka dhënë besimin e madh dhe mbështetjen e plotë për të udhëhequr”.

Kështu është shprehur Kryeministri Edi Rama me 10 Maj 2021, gjatë një mbledhje me deputetët socialist.

Këtë deklaratë, Rama e ka bërë në një kohë, kur përplasjet dhe përçarjet në PS janë më të thelluara se kurrë dhe më transparente se kurrë.

Në PS ka pasur edhe më herët përplasje dhe largime, por gjithçka është mbajtur në errësirë nga të dyja palët.

Por tashmë përplasjet kanë dalë sheshit dhe sa vijnë e shtohen. Në një kohë që pritet të formohet Qeveria e re, në PS janë krijuar dy kampe, pro Ramës dhe kundër tij.

Madje, krijimi i këtyre kampeve i ka shtuar punën edhe drejtësisë dhe konkretisht Strukturës së Posaçme Antikorrupsion, pasi ka renduar të denoncojnë bëmat dhe skandalet e njëri tjetrit, për të cilat deri më tani kanë heshtur.

Por, pa kaluar tek socialistët përballë drejtësisë, pritet që ditët në vijim, në prag të formimit të Qeverisë përplasjet në PS të jenë më të zëshme.

Ata që nuk kanë mundur të braktisin llogoren e vjetër siç thotë Rama, duket se do të ndëshkohen nga Kryeministri, gjë që do të reflektojë me përplasje.

Mandati i tretë, nuk e gjeti PS të bashkuar, por më të ndarë se kurrë dhe po të kishte një Opozitë më të fortë, s?do të mundnin të formonin Qeverinë e re.

Leli iu dha zë përplasjeve në PS

Edhe ish Ministri i Financave Arben Malaj, shpeshherë ka folur pa dorashka kundrejt kryeministrit Rama dhe asaj çfarë ndodh në PS, por kryebashkiaku i Vlorës, Dritan Leli, mund të thuhet se është i vetmi socialist që bëri trasnparencë mbi atë çfarë ndodh në PS.

Sulmet nuk shkulën Lelin, nga llogorja ku ishte, pavarësisht se Kryeministri Rama dhe kampi i tij e shënjestrojnë herë pas here.

Përplasjet e para mes kryeministrit Edi Rama dhe kryebashkiakut Leli nisën në korrik 2020.

Gjatë një takimi me strukturat e Partisë Socialiste të fshatit Zvërnec, Rama u shpreh, se Leli kishte shfaqur mangësi në drejtimin e bashkisë së Vlorës dhe në menaxhimin e punëve publike.

Pas refuzimit të Lelit për të kandiduar për deputet në zgjedhjet e parlamentare të 25 prillit, Rama u distancua nga Leli dhe e përjashtoi nga Partia Socialiste.

?Dritan Leli nuk është më pjesë e jona,? shkroi në një letër që iu paraqit në 10 mars Asamblesë së PS së Vlorës.

Pas dëbimit në vijimësi, Rama e ka sulmuar Lelin.

Në një video të publikuar në 2 maj në rrjetet sociale, Rama shfaqet duke biseduar me një drejtues punimesh në kantierin e zgjerimit të Lungomares, të cilit i thotë se punët duhet të ecin më shpejt dhe ata nuk duhet të presin ?të vdekurin e bashkisë.?

Edhe në një takim me socialistët e Vlorës në 27 qershor, kryeministri Edi Rama e quajti Lelin dezertor ndaj familjes së tij politike.

?Ne si parti menduam që Leli të kandidonte si deputet, ai dezertoi në këtë betejë,? tha Rama.

Socialistët fusin në lak njëri tjetrin

Përplasjet mes socialistëve nuk po zhvillohen vetëm me deklarata, por shkojnë edhe më tej, deri në dyert e drejtësisë.

Kujtojmë këtu rastin e kryebashkiakut të Lushnjës, Fatos Tushe apo rastin e ish zëvendës-ministres së Brendshme Rovena Voda.

Fatos Tushe u përjashtua nga PS dhe kryeministri Edi Rama nuk dha përgjegjësi për të, duke u justifikuar se çdokush mban përgjegjësi personale.

Njësoj u veprua edhe në rastin e ish-numrit dy të Ministrisë së Brendshme Rovena Voda.

Bashkëshorti i kësaj të fundit, ndërsa përplasej me qytetarët në rrjetet sociale ngriti dyshime se gruas së tij i është ngritur ?kurth? nga PS.

?Edhe diçka. uthullirat brenda PS të kenë kujdes se do t?ua ul aciditetin deri në fund?, shkruante në rrjetet sociale bashkëshorti i Vodës.

Pak ditë është shfaqur deputeti socialist Petro Koçi, i cili foli për zyrtarë të inkriminuar në Fier, duke shënjestruar pa emër kreun e Bashkisë së Fierit Armando Subashi./CNA.al

Në Partinë Socialiste po ?hanë kokat? e njëri tjetrit/ Si nisën eliminimet?