Nga bandat tek zjarret/ Çfarë po i digjet Grida Dumës?

11 Gusht 2021, 09:07, Politikë CNA

Prej disa javësh vendi ynë është pushtuar nga flakët. Zjarrfikësit, Ushtria, por edhe qytetarë, janë përballur drejtpërsëdrejti me flakët, në terren edhe pse nuk kanë pasur mjetet e duhura.

Nga ana tjetër politikanët opozitarë, kanë nisur akuzat dhe protestën në rrjetet sociale, nga plazhet, ku ata po pushojnë.

Një ndër to është deputetja e PD-së Grida Duma, e cila së fundmi ka reaguar për situatën e zjarreve me akuza ndaj Qeverisë.

?Keqmenaxhimi, paaftësia, shpërdorimi i detyrës, korrupsioni janë elementët që fatkeqësitë natyrore kanë nxjerrë përherë në pah, duke rrëzuar propagandën hileqare të regjimit. Sot, Shqipëria ka mbetur vetëm me një helikopter për shuarjen e zjarreve dhe një tjetër që përdoret për shëtitjet e Edi Ramës. Korrupsioni që ka shkrumbuar financat e shtetit i ka lënë qytetarët dhe pasuritë natyrore pa mbrojtje, ndërsa punonjësit e emergjencave civile dhe forcat e ushtrisë detyrohen të përballen me zjarrin me mjete rrethanore?,-shkruan Duma në rrjetet sociale.

Grida Duma ashtu si kolegët po reagon dhe po proteston nga rrjetet sociale, në vend që të ishte në terren atje ku ishin edhe ata që ajo thotë se u është mirënjohës.

Ajo shfaqet si shumë e shqetësuar për korrupsionin, duke hequr kështu çdo përgjegjësi nga vetja.

Por, një situatë e tillë nuk e bën më pak të pafajshme Grida Dumën dhe asnjë nga kolegët e saj.

Ku ishin deri më sot që nuk u kujtuan?

Fakti që kanë mbetur në Opozitë nga paaftësia e tyre, nuk do të thotë se ata nuk janë përgjegjës.

Duke u larguar nga Kuvendi, duke djegur mandatet dhe duke braktisur qytetarët që i kanë votuar, duke ia dhuruar Partisë Socialiste pushtetin vendor në tavolinë, nuk do të thotë se nuk janë përgjegjës.

Grida Duma dhe të sajët i braktisën qytetarët, zjarrfikësit, për të cilët ata thonë sot se u janë mirënjohës.

Por, Duma e ka bërë praktikë.

Njëherë shfaqet duke thënë se i kanë shkuar banda për të bërë pazare, por ajo edhe kreu i PD-së Lulzim Basha nuk kanë pranuar dhe një herë tjetër shfaqet e indinjuar në rrjetet sociale, se zjarrfikësit dhe ushtria nuk kanë mjete për të shuar zjarrin dhe se korrupsioni paska përpirë fondet.

Duma bën politikë me banda, pasi nuk i denoncoi kurrë këto banda, në organet e drejtësisë.

Pranoi që i ka takuar, pranoi që ka vënë në dijeni edhe Lulzim Bashën, dhe më pas heshti u zhduk, për t?u zgjuar nga zjarret që kanë përfshirë vendit.

Duma bën politikë me zjarret dhe zjarrfikësit, flet për korrupsion, sikur të ishte mëngjesi i përditshëm, sa për retorikë politike, por duke treguar se ajo dhe të sajtë, nuk po bëjnë asgjë ndryshe nga ata që akuzojnë.

Nëse Qeverinë e akuzojnë për propagandë dhe mashtrim, të njëtën gjë po bën dhe Grida Duma &CO, nga rrjetet sociale.

Gënjejnë e mashtrojnë qytetarët dhe demokratët me propagandë nga rrjetet sociale.

Pra, Grida Dumës &CO, nuk u është djegur asgjë, por është djegur pasuria e shqiptarëve, për të cilën ata nuk duan t?ja dinë, ashtu siç nuk ia kanë ditur deri më tani./CNA.al

Lulzim Basha dhe Grida Duma në mbrojtje të bandave?/ Pse hesht prokuroria

Video/ Si Grida Duma kërkoi hapur pazar me Ramën për Portin e Durrësit