web counter
LEXO PA REKLAMA!

SHKARKO APP

App Store
Google Play

Padia në SPAK/ Ish-ministri i përgjigjet Murrizit: Korrigjo shënjestrën

10 Gusht 2021, 11:25, Politikë CNA

Ish-ministri i Bujqësisë, Edmond Panariti ka reaguar pas padisë që kreu i LDSH-së, Myslim Murrizi ka dorëzuar sot në SPAK për një tender të ujitjes me pika në ferma në Lushnjë dhe tenderi tjetër për lopët.

Në një postim në rrjetet sociale, Panariti shkruan se ajo padi është për diçka që sipas tij nuk ka ndodhur kurrë.

Gjithashtu ai ironizon Murrizin, ndërsa shkruan ?korrigjo shënjestrën e opozitarizmit?.

?Korrigjo shënjestrën e opozitarizmit Z. Murrizi!

U njoha me padinë më unike në botë ndaj Ministrisë së Bujqësisë të kryer nga opozitari i opozitës Murrizi .

Padi për diçka që nuk ka ndodhur kurrë !

Pra një padi për diçka që nuk ekziston!

Sepse nuk ka patur, dhe nuk ka tender të organizuar nga Ministria e Bujqësisë për sistem të vaditjes me pika me ujë të lumit Shkumbin për Bashkinë e Divjakës, siç deklaron prej kohësh paditësi opozitar i opozitës!

Nuk ka!

Kjo është lehtësisht e verifikueshme

Pra është qesharake të paditësh pa objekt padije.

I vetmi investim madhor i realizuar në Sistemin Kombetar të Vaditjes , ka qenë ai i Bankës Botërore, i kryer për infrastrukturën e digave dhe të kanaleve të para dhe të dyta të vaditjes.

Një ndër ndërhyrjet më të suksesshme në sistem.

Dorëzuar me çelsa në dorë me funksione të plota vaditjeje, Bashkive përfituese që prej afër 5 vitesh .

Prandaj korrigjo shënjestrën e opozitarizmit tënd zoti Murrizi!

Kaq. ?-shkruan Panariti./CNA.al

Myslim Murrizi në SPAK/ Denoncon dy tendera të Bashkisë së Lushnjes





Lajmet e fundit nga