E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

“Shpërbërja e PD”/ “Misioni 2” i Lulzim i Bashës

9 Gusht 2021, 10:40, Politikë CNA

Në prag të zgjedhjeve Parlamentare të 25 Prillit, kreu i PD-së Lulzim Basha, u shfaq si autor i një libri.

?Misioni im?, titullohej libri i Lulzim Bashës, me të cilin ai kërkonte që t?u jepte një mesazh shqiptarëve për ta votuar atë në zgjedhjet e 25 Prillit dhe ndër të tjera tregonte edhe idetë që kishte ai për qeverisjen e vendit.

Me 25 Prill Basha shënoi humbjen e radhës, duke dështuar kështu me mesazhin në ?Misionin e tij? dhe për më tepër duke lënë në opozitë për të tretën herë radhazi demokratët.

Pas humbjes dhe mos marrjes së përgjegjësisë, pati një reagim të ashpër të demokratëve që kërkuan largimin e tij.

Por, kërkesave për dorëheqje Basha iu përgjigj me arrogancë duke organizuar zgjedhje të shpejta në PD dhe duke u rizgjedhur sërish përmes skandalesh.

Në këtë pikë ai filloi ?Misionin 2?, me shpërbërjen e Partisë Demokratike, pasi themelet për shkatërrimin e selisë blu i ka nisur që më herët.

Dhe në rrethanat, ku kryetari nuk mban përgjegjësi për humbjen, ku betejat dhe luftën i bën në gjumë apo nga ndonjë plazh, në PD kanë plasur dorëheqjet masive.

Dorëheqjet kanë nisur në Korçë, që muajin e kaluar, ku kanë vijuar edhe ditën e sotme dhe e njëjta linjë pritet të shtrihet edhe në degë të tjera.

?Gjykojmë se lideri aktual i saj po tenton me arrogancën e tij ta kthejë Partinë Demokratike, në një parti klienteliste në funksion të interesave të tij personale. Me veprimet e tij mendojmë se Z. Basha ka hedhur poshtë gjithë mundin dhe sakrificat tona në Opozitën më të vështirë në historinë e Partisë Demokratike?.

Kështu kanë deklaruar 51 drejtues seksionesh dhe Lidhjes Demokratike të Gruas në Korçë, të cilët kanë njoftuar sot se kanë dhënë dorëheqjen nga Partia Demokratike.

Në fund të muajit Korrik ishte kreu i PD në Korçë, Andrea Mano, i cili dha dorëheqjen bashkë me sekretarin Devis Osmani dhe 14 anëtarë të PD në Korçë.

Në të njëjtën ditë Lulzim Basha doli në konferencë për mediat, duke mos pranuar t?ju përgjigjej pyetjeve të gazetarëve për këtë dorëheqje në bllok.

Ai tha se nuk duhej të shpërqëndrohej vëmendja, pasi kishin një problem më të madh se sa dorëheqjet.

Por a mund të ketë problem më të madh se sa shpërbërja e partisë, të cilën ai e mori në 2013 kompakte, të plotë dhe në katër vitet e para e copëtoi, për ta thelluar situatën edhe më tej në vitet e tjera.

?Misioni 1?, i Lulzim Bashës ishte për të lënë PD dhe demokratët në opozitë, për interesa klienteliste dhe personale siç shprehen dhe vetë të dorëhequrit dhe ?Misioni 2?, shpërbërja e Partisë Demokratike.

Tashmë mbetet të shohim kur do e bëjë libër që të faktojë autorësinë e tij mbi shpërbërjen e PD./CNA.al