Basha dërgon "kamikazin" e tij në Korçë/ Baltos demokratët

12 Gusht 2021, 10:37, Politikë CNA

Pas humbjes së zgjedhjeve të 25 prillit 2021, në PD janë shtuar edhe zërat për largimin e Lulzim Bashës, nga drejtimi i Partisë.

Por, ky i fundit në vend të merrte për gjegjësitë e tij për humbjen e tretë radhazi, në fakt bëri të kundërten. Doli para demokratëve e tha se ?beteja sapo kishte filluar?, dhe në fakt e vetmja betejë që bëri, ishte ajo për ?çimentimin? e karriges së kryetarit.

Në fillim me një proces zgjedhjesh për kreun e PD, ku përtej datës së nxituar sikurse e cilësuan shumë figura, duke përfshirë këtu edhe ish-kryeministrin Berisha, procesi u zhvillua përmes shume skandalesh dhe një garë aspak e barabartë. (Lexo këtu).

Dhe si për të vulosur ?fitoren? e tij, Basha zhvilloi edhe Kuvendin Kombëtar të PD, ku nuk bëri as më shumë e as më pak, sesa ?çimentimi? i karriges së kryetarit. Ndryshimet në statut, duket se i shërbenin vetëm këtij qëllimi të Lulzim Bashës.

Por, në rrethanat, ku kryetari nuk mban përgjegjësi për humbjen, ku betejat dhe luftën i bën në gjumë apo nga ndonjë plazh, në PD kanë plasur dorëheqjet masive.

Dorëheqjet kanë nisur në Korçë, që muajin e kaluar.

Në fund të muajit Korrik ishte kreu i PD në Korçë, Andrea Mano, i cili dha dorëheqjen bashkë me sekretarin Devis Osmani dhe 14 anëtarë të PD në Korçë.

Korça në duart e ?Babales? Në të njëjtën ditë Lulzim Basha doli në konferencë për mediat, duke mos pranuar t?ju përgjigjej pyetjeve të gazetarëve për këtë dorëheqje në bllok.

Duke tentuar të justifikojë dorëheqjet masive, Basha tha se nuk duhej të shpërqëndrohej vëmendja, pasi kishin një problem më të madh se sa dorëheqjet.

Por, dorëheqjet vijuan më tej, ndërsa në datën 9 gusht u larguan 51 drejtues seksionesh dhe Lidhjes Demokratike të Gruas në Korçë.

?Gjykojmë se lideri aktual i saj po tenton me arrogancën e tij ta kthejë Partinë Demokratike, në një parti klienteliste në funksion të interesave të tij personale. Me veprimet e tij mendojmë se Z. Basha ka hedhur poshtë gjithë mundin dhe sakrificat tona në Opozitën më të vështirë në historinë e Partisë Demokratike?.-u shprehen ata në një deklaratë për mediat.

Por mesa duket sërish Lulzim Basha nuk ka ndërmend të tërhiqet në ?misionin? e tij, për shpërbërjen e Partisë Demokratike.

Ndërkohë që dega e Korçës është përfshirë nga dorëheqjet masive, Basha dërgon në këtë qytet ?kamikazin? e tij, për të baltosur demokratët.

Ervin Salianji, i dërguari i Bashës në Korçë, i cili është dhe një ndër arsyet e përçarjes në degën e PD-së, ka zhvilluar një takim në këtë qytet, ku nuk ka bërë asgjë tjetër veçse ka tentuar të njollosë demokratët.

?Shumë njerëz nuk janë mësuar dot me sakrificën, shumë të tjerë janë ?demokratë pushteti? dhe nuk janë dot demokratë sakricash dhe opozite.?-është shprehur Ervin Salianji, duke treguar kështu qartë se është dërguar për të përmbushur ?misionin? e Lulzim Bashës./CNA.al

?Shpërbërja e PD?/ ?Misioni 2? i Lulzim i Bashës

Të gjitha manipulimet e procesit zgjedhor nga Lulzim Basha

PD e Korçës/ Ikin të fundit e qytetarisë

?Tërmet? në PD-në e Korçës/ ?Basha arrogant, po e kthen PD në parti klienteliste?