web counter
LEXO PA REKLAMA!

SHKARKO APP

App Store
Google Play

"Ryshfeti bllokon prej vitesh investimin"/ Berisha denoncon Ëngjëll Agaçin

12 Gusht 2021, 12:21, Politikë CNA

Ish-kryeministri Sali Berisha vijon denoncimet në rrjete sociale.

Ai ka publikuar sot, një denoncim të mbërritur në adresë të tij, ku flitet për bllokim investimi, për shkak se kërkohet ryshfet.

?Kjo është klima e investimeve. Ryshfeti bllokon prej vitesh investimin. Narkoshteti nuk njeh ligj as rregull.

Don Agaçio pret ryshfet?, shkruan Berisha ndërsa ka sjellë edhe denoncimin e një kompanie nga Malësie Madhe.

?Ne  që po ju shkruajm jemi një kompani dhe kemi një projekt për ndërtimin e një parku fotovoltaik me panele diellore 7.5më.

Me datën 28 korrik 2016 na është miratur leja përfundimtare nga KKT, por kemi pasur një problem me Bashkin M.Madhe për sistemimin e taksës së infraskturës, sepse ligji e kishte 0.1%,  kurse këta të fundit kërkonin 3%.

Mbas 18 muajve e zgjidhëm këtë problem dhe paguam  taksën siç e kishte ligji e jo sa kërkonte Bashkia.

Me datën 13 janar 2018 kemi paguar taksën e infraskturës dhe akoma nuk na është zbardhur leja. Kemi paguar të gjitha detyrimet ndaj shtetit. Në biznesin që pretendojmë të ndërtojmë do të punësohen mbi 50 persona. Dosja jonë është në zyrën e Ëngjëll Agac?it dhe nuk ja dërgon kryeministrit për firmë, sepse e bllokon me urdhër të Tonin Marinajt, sepse nuk i kemi dhënë ryshfet?, thuhet në denoncimin e publikuar nga Berisha./CNA.al





Lajmet e fundit nga