“Drejtësia është e kapur”/ Petrit Vasili në panik për veten apo për Metën?

13 Gusht 2021, 07:52, Politikë CNA

Nënkryetari i LSI ?së Petrit Vasili me anë të një postimi në rrjete sociale, deklaron se drejtësia është e kapur nga pushteti.

Sipas tij ,të njëjtët personazhe që bëjnë drejtësi sot, kanë qenë të edhe në vitin 1997.

?Po të njëjtët “personazhe”, që kapën drejtësinë sot, po të njëjtët edhe në 1997 dhe guxojnë e flasin për reformë në drejtësi.
Kjo është Drejtësi e Kapur dhe mamitë, që e pollën mostrën janë po të njëjtat?, shkruan Vasili në rrjete sociale.

Sipas Vasilit, kush bën sikur po qan sot për drejtësinë, vetëm i bën hyzmet asaj.

?Kush bën sikur qan për këtë soj drejtësie, sot i bën hyzmet, thjesht kapjes së saj si drejtësi armike e qytetarëve të thjeshtë dhe që mbron pushtetarët e rilindjes nga ndëshkimi, pra rroftë pandëshkueshmëria e rilindasve?, shkruan Vasili.

Nuk është hera e parë që Vasili shigjeton drejtësinë. Ai dhe më herët ka sulmuar Strukturën e Posaçme Antikorrupsion.

Çështja që ngre dyshime është pse e ka kapur paniku Vasilin që sulmon drejtësinë? Druhet se mund të përfundojë ndonjë ditë vetë në pranga apo ka hallin e “shefit” të tij, Presidentit Ilir Meta?

Në fakt ky i fundit është shquar për bëma dhe skandale, por edhe Vasili nuk mbetet pas. Pasi që kur ka qenë Ministër Shëndetësie, është lakuar për tendera abuzivë dhe nuk është hetuar kurrë.

Pra, Vasili duhet ta ndajë mirë, ishte e kapur atëherë drejtësia apo sot.

Nëse ishte e kapur kur mbante poste ministrore, atëherë sot ka gjithë të drejtën të jetë në panik dhe ta sulmojë në mënyrë të tillë, që kur të jetë momenti i përballjes me drejtësinë, ta përdorë si argument politik, se po ia bëjnë qëllimisht.

Nga ana tjetër Vasili mund të jetë i shqetësuar edhe për Metën, pasi nëpërmjet këtij të fundit vetëm me 300 vota po bëhet deputet.

Ndërkohë që Meta është politikani më i lakuar që pritet të vihet nën hetim nga drejtësia. Çështjet janë të shumta, për të cilat Meta është përfolur, por drejtësia deri më tani nuk ka heshtur.
Lëvizja e SPAK-ut, kohët e fundit, ndonëse me të ashtuquajtur të vegjël, jo pak i ka tronditur ?jakat e bardha?.

Kujtojmë se Meta është shkarkuar me vota të Kuvendit dhe pritet që në vjeshtë Gjykata Kushtetuese të thotë fjalën e saj, por sido që të jetë SPAK-u i ka të gjitha kompetencat që të zbardhë historitë në të cilat është lakuar Meta dhe deri më tani s?ka dhënë përgjegjësi.

Nëse shikojmë këto rrethana, Petrit Vasili ka shumë të drejtë kur sulmon drejtësinë. Në rrezik nga drejtësia mund të jetë edhe ai edhe ?shefi? i tij Meta dhe sa kohë që janë jashtë do të reagojnë për të shpëtuar në të gjitha mënyrat./CNA.al