web counter
LEXO PA REKLAMA!

SHKARKO APP

App Store
Google Play

Shqipëria në listën e pastrimit të parave/ Tabaku tregon sektorët ku po investohen

30 Qershor 2021, 10:03, Politikë CNA

?Shqipëria qëndron në listën e vendeve që dyshohen për pastrim parash?. Kështu është shprehur deputetja e zgjedhur e Partisë Demokratike Jorida Tabaku, e cila përmes një postimi në rrjetin social Facebook thekson se ekonomia informale po zgjerohet ccdo ditë për shka të politikave të gabuara që po ndjek qeveria.

Sipas saj, shqiptarët nuk janë fajtorë për sa po ndodh pasi fajtorët e vërtetë janë ato që vjedhin zgjedhjet me paratë e pista dhe më pas janë peng i tyre.

?Shqipëria jonë vazhdon të jetë në listën e vendeve të dyshuara për pastrimin e parave.

Dëshmi se si një nga 15 kriteret e vendosura nga KE nuk është përmbushur dhe provë shtesë që tregon se si pastrimi parave është një nga rrugët se si krimi organizuar gjallon në vend.

Ekonomia informale që zgjerohet përditë për shkak të politikave të gabuara që qeveria ka ndërmarrë këto 8 vite.

Por, mbi të gjitha, mbështetja e madhe që krimi organizuar kanë pasur në pastrimin e parave.

Ndërtimi, turizmi janë vetëm disa nga sektorët që janë kthyer në zhguallin mbrojtës të atyre që pastrojnë paratë.

Fatkeqësisht nuk do të jenë të vetmit duke pasur parasysh kriptomonedhat dhe paafësinë e qeverisë për të manaxhuar edhe këtë formë të re pastrimi parash.

Një gjë është e sigurtë; shqiptarët nuk janë fajtorë për sa po ndodh pasi fajtorët e vërtetë janë ato që vjedhin zgjedhjet me paratë e pista dhe më pas janë peng i tyre?, shkruan Tabaku./CNA.al





Lajmet e fundit nga