Rama “lan duart” si Ponç Pilati/ Show për të mbuluar dështimin

30 Qershor 2021, 09:28, Politikë CNA

Vrasje, aksidente, shpërthime, zënë pothuajse çdo ditë hapësirat mediatike.

Situata kriminale në vendin tonë, duket se ka dalë jashtë kontrollit, ndërsa vetëm në muajin qershor kanë humbur jetën 10 persona.

Por, jo vetëm qershori është përgjakur, vrasje, atentate mafioze, kanë marrë jetët e dhjetëra shqiptarëve gjatë vitit 2021.

Por, përtej të dhënave tragjike, që do të duhej të ?shkundnin? çdo qeveri, ka edhe një tjetër detaj.

Kryeministri Edi Rama, dhe ministri i Brendshëm, Bledi Çuçi, po tentojnë ti ikin çdo përgjegjësie, duke bërë show.

Tre ditë më parë, vendi u trondit nga një përplasje me armë zjarri që ndodhi në Velipojë, ku si pasojë humbën jetën katër persona, mes të cilëve edhe një 20-vjeçar, i cili punonte për bukën e gojës. Dhe jo nga ata që kreu i qeverisë thotë ?hëngshin kokat e njëri-tjetrit?.

Por, sikur mos mjaftonte tragjedia, kryeministri doli dje dhe ?lau duart si Ponç Pilati?, duke thënë se fajin për jetët e humbura e paskan gjyqtarët dhe prokurorët, qw nuk kanë kaluar ende Vettingun, tw cilwt sipas tij japin dwnime, jo nw maksimumin qw parashikon ligji.

Rama si kryeministër, duhet ta dijë se ka edhe Gjykata Apeli, nëse nuk e di po ia kujtojmë ne.

Por, Rama duhet ta dijë edhe se vrasjet nuk ndalohen duke bërë show dhe as me propagandë.

Një ditë më parë, Rama kërcënoi subjektet që operojnë në bregdet.

?Të gjithë subjekteve që nuk janë në rregull me dokumentacionin dhe kanë operuar me teorinë e faktit të kryer të largohen nga sipërfaqet që nuk iu takojnë me ligj dhe me rregull.

Policia e Shtetit do jetë e pranishme në gjithë vijën bregdetare dhe do konfiskojë në vend çader, shezllong apo çdo strukturë tjetër që nuk është në përputhje me bazën e dokumentuar?.tha Rama.

Ndërsa sot në pothuajse të gjitha mediat bëhet show, ku Policia ka nisur aksionin në bregdet, duke sekuestruar shezlongjet.

Në fakt gjithçka duket të jetë vetëm një farsë dhe show i radhës, i kryeministrit, për të larguar çdo përgjegjësi nga vetja, pasi edhe qorri e di që vrasjet dhe aksidentet nuk ndalohen as më show dhe as me propgandë.

Për më tepër, ajo çfarë po bën kryeministri, është edhe dëmtim i turizmit, pasi jep bezdi për pushuesit. Kjo do të duhej të ishte bërë para fillimit të sezonit turistik.

Por, mesa duket duhej të vriteshin katër persona, që kryeministri të ?zgjohej?./CNA.al

Maska e çjerrë e Edi Ramës dhe Bledi Çuçit, përtej drejtësisë së munguar

?Vrasësit? me jaka të bardha

Lirimi i hapësirave publike bezdis pushuesit/ ?Duhet të na kishit lajmëruar një ditë para?