Gazetari plas “bombën”/ Priten arrestime të bujshme nga SPAK

29 Qershor 2021, 20:43, Politikë CNA

Gazetari Elvi Fundo ka duke folur për çështjen e inceneratorëve, aferë kjo e denoncuar me fakte dhe dokumente konkrete nga CNA.al ka paralajmëruar arrestime të bujshme nga Struktura e Posaçme antikorrupsion.

Në një intervistë për emisionin Log të Endri Xhafos në ABC News, Fundo ka publikuar dokumentet që disponon për këtë aferë, dhe u shpreh i gatshëm t’i dorëzojë në SPAK.

Pano Soko tha se s’kam besim te SPAK. Në atë moment ndëryri gazetari Elvi Fundo i cili tha se: “Nga burimet e mia pritet që SPAK të bëjë arrestime të bujshme pikërisht në lidhje me denoncimin që Nisma Thurje ka bërë për inceneratorët“.

Më tej, gazetari u shpreh se deputeti i zgjedhur i PS Alqi Bllako se bashku me vëllain dhe babain e tij është i përfshirë në mënyrë direkt në këtë aferë.

“Rasti i Durrësit është ?kriminale dhe shumë mafioze? ajo që ka ndodhur me Durrësin, sepse qeveria ka bërë disa akte në lidhje me atë çështje. Çfarë problemi do të kishte që në qarkun e Durrësit të kishte landfill si në Sharrë, të gjendeshin ambiente mes kodrave të cilat në mënyrë ekologjike të trajtoheshin, ashtu siç në Sharrë janë vendosur ato qeset poshtë dhe mbulohen. Kapsulim ka ndodhur në Sharrë.

Tentuan të bënin në Manëz, ajo ishte një lojë në fakt dhe me vrap qeveria nxitoi të bënte një veprim, të mbyllte zonën e mbetjeve urbane në Porto Romano. Por çfarë ndodhi? Ajo që ndodhi në Porto Romano është sa “korruptive aq edhe mafioze”. Qëllimisht një media që është avokate e inceneratorëve që bën reklama dhe emisione ekskluzive në favor të inceneratorëve, përfshirë Elbasanin, Fierin apo edhe Durrësin. Pas denoncimeve të njëpasnjëshme nga kjo media, dhe sot e faktuar në ekstraktet zyrtare të QKR, me ortakëri të plotë me pronarin e televizionit, me drejtorin e televizionit, dhe aksioneri kryesor i inceneratorit Elbasan.

Kanë krijuar një kompani të përbashkët në Shqipëri dhe ne e kemi denoncuar me dokumente se ka një kompani tjetër në Bullgari, nëpërmjet bashkëshortes së drejtorit, dhe kjo kompani në Bullgari ka ardhur në Shqipëri dhe ka blerë kompani kryesore.

Vëllai i Alqi Bllakos, atij drejtorit që ju po e përmendni si institucion, por pa emër, Agjencisë Kombëtare të Trajtimit të Mbetjeve është drejtor te kjo kompani që ka ardhur nga Bullgaria. Gjithashtu Alqi Bllako, sot drejtor i këtij institucioni është deputet i PS. Është denoncuar me dokumente se kompania e inceneratorëve i ka paguar babait të tij paga diku tek 10 mijë dollarë në muaj. Pra drejtori që jep opsionin e Durrësit, jo vetëm duhet arrestuar, por sot duhet të ishte pas hekurave, është deputet i qarkut të Tiranës për këtë aferë. Babai i tij, vëllai i tij janë të lidhur direkt me kompaninë e inceneratorëve, ai vetë ka bërë oferta dhe ka firmosur për inceneratorët?, tha Fundo./CNA.al