web counter
LEXO PA REKLAMA!

SHKARKO APP

App Store
Google Play

E fundit!

x

Projekti për Teatrin e ri Kombëtar/ PD: Aferë korruptive, do pastrohen paratë e pista të krimit dhe korrupsionit

29 Qershor 2021, 15:45, Politikë CNA

Këshilli Kombëtar i Territorit ka miratuar lejen për rindërtimin e Taetrit të ri Kombëtar.

Pas këtij vendimi, ka ardhur edhe reagimi i parë nga Partia Demokratike.

Deputetja e zgjedhur e kësaj partie Albana Vokshi shprehet se kryebashkiaku i Tiranës Erion Veliaj mashton në deklaratën e tij se nuk do të ketë asnjë kullë pranë TeatriT TË RI Kombëtar.

Vokshi thekson se regjimi Rama-Doshi nuk ka në fokusin e tyre kulturën dhe artin, por fitimet marramendëse nga projekti korruptiv i kullave që do të shërbejnë si lavatriçe e parave të pista të krimit e korrupsionit.

?Në fillim thanë se teatri duhej bërë me PPP dhe kulla sepse nuk kishin para. Mashtruan!

Sot thonë se teatri do bëhet duke shtuar borxhin publik, pa kulla. Mashtrojnë!

Pasi shembën barbarisht, dhe në shkelje totale të çdo norme e ligji godinën historike, sot po shembin shtetin e së drejtës dhe po ushtrojnë presion mbi vendimmarrjen e Gjykatës Kushtetuese, duke vendosur  fillimin e punimeve për të ashtuquajturin Teatri i Ri.

Veliaj thotë 0 Kulla, por nxitimi për të filluar punimet zbulon qartë që interesi i regjimit Rama-Doshi nuk është arti, as kuktura, as Teatri, por vetëm fitimet marramendëse nga projekti korruptiv i kullave që do të shërbejnë si lavatriçe e parave të pista të krimit e korrupsionit.

Vendimi i sotëm është një tjetër akt i arbitraritetit, dhunimit të ligjit,  gjykatave dhe interesit publik, që dëshmon se masakra zgjedhore e 25 Prillit nuk zgjidhi asgjë për shqiptarët.

PD do të jetë deri në fund në krah të betejës së Aleancës për Teatrin dhe qytetarëve shqiptarë për rikthimin e legjitimitetit dhe demokracisë në vend?, shkruan Vokshi./CNA.al

Miratohet projekti i ri për rindërtimin e Teatrit Kombëtar





Lajmet e fundit nga