E fundit!

12:01 Aktualitet

“Jam një i vdekur që ecën”/ Zbardhet dëshmia e Pëllumb Gjokës në GJKKO për dosjen “Metamorfoza”

Këtë të enjte ka dëshmuar në Gjykatën e Posaçme një nga sh...

Reforma në polici i “pret kokën” Ardi Veliut?/ Ja si përgjigjet Rama

29 Qershor 2021, 11:57, Politikë CNA

Kryeministri Edi Rama ka bërë të ditur sot se ndryshimet në ristrukturimin e policisë së shtetit do të ndodhin më shpejt seç ishin planifikuar.

?Ne jemi në një fazë intensive pune për të gjithë sektorët jo vetëm për sektorin e punëve të brendshme, për tu përgatitur për mandatin e tretë. Është koeçidencë, por nuk ka asnjë problem në këtë aspekt. Unë dua të nënvizoj që mos të krijohet asnjë keqkuptim. Çdo ngjarje është një arsye për të menduar sesi gjërat mund të bëhen më mirë në tërësi. Sulmi ndaj policisë së shtetit është absurd dhe nuk kam parasysh që mund të bëjë shumë mirë punën e vet. Por nuk është vetëm policia në një vend demokratik, ajo që garanton gjithçka. Ndërkohë ristrukturimi i policisë dhe në aspektin e drejtimit që nga niveli i drejtuesve në qarqe është një proces që ka nisur të diskutohet dhe do të ristrukturohet më shpejt seç ishte menduar. Procesi i ndryshimeve në strukturat e larta drejtuese do të bëhet më shpjet nga seç ishte planifikuar.’- tha Rama, gjatë një konference për mediat.

Por, i pyetur nga gazetarët nëse këto ndryshime do të prekin edhe Drejtorin e Përgjigjshëm të Policisë së Shtetit, Ardi Veliun, Rama la të nënkuptohet se kjo nuk do të ndodhë.

“Hej Zot, nuk e di, nuk e di sesi të shpjegoj që rastet konkrete shikohen në kontekst, nëse ne do të niseshim nga rastet për të hequr njerëz, nuk do kishte ngel më njeri që të merrte një detyrë. Policia e Shtetit nuk është në asnjë situatë problematike, është vetëm në një proces rritje dhe fuqizimit të mëtejshëm. Nuk ka asnjë problematikë më të madhe se ç’kishte para këtyre ngjarjeve kur gjërat dukeshin normale. “-tha Rama.

Rama theksoi se nuk ka një krizë në radhët e Policisë, dhe se nuk mund të hidhet poshtë puna e tyre.

?Duhet të shikojmë reagimin e policisë, kapacitetin e zbardhjes dhe ndalimit të autorëve. Nuk ka një krizë në Policinë e Shtetit. Kjo është fare e qartë për mua dhe bazuar në fakte kontekst dhe në trende.

Puna e policisë së shtetit nuk hidhet dot poshtë kur ndodhin disa ngjarje tragjike?-deklaroi Rama./CNA.al