web counter
LEXO PA REKLAMA!

SHKARKO APP

App Store
Google Play

E fundit!

x

Afera korruptive e inceneratorëve/ Zbardhet skema mafioze, gazetari publikon faktet

29 Qershor 2021, 20:18, Politikë CNA

CNA.al në një investigim të zhvilluar për një kohë të gjatë, ka sjellë materiale të plota në lidhje me koncesionin 128 milion euro të landfillit të Sharrës dhe inceneratorit që ndodhet aty. Një koncesion i cili vjen pas dhënies së dy inceneratorëve në Elbasan dhe në Fier në shumën 50 milion euro. Ku në skema dalin shtetasit Klodian Zoto, Mirel Mërtiri, Stela Gugallja dhe një shtetas italian, Ernesto Granelli.

Por menjëherë sapo ka plasur skandali në Shqipëri dhe CNA.al ka raportuar se do të sjellë dosjen e plotë të investigimit dhe ka filluar të raportojë në lidhje me koncesionet e inceneratorëve, kompania Integreted Energy BV, e cila është aksionere e vetme e kompanisë Integreted Energy BV SPV e cila ka fituar koncesionin në Shqipëri, në muajin shkurt ka ndryshuar emrin.

Gazetari Elvi Fundo në një lidhje direkt për emisionin Log të Endri Xhafos u shpreh se kjo kompani është krijuar në Holandë, ndërsa shtoi se për këtë incenerator ka informacion edhe kreu i PD Lulzim Basha, i cili e la në mes betejën e nisur me inceneratorët.

?Kjo kompania e famshme Integreted Energy BV është krijuar disa javë përpara ese të merrte inceneratorin e Tiranës dhe këtë e ka bërë në Holandë. Gjatë kohës që ne vitin e kaluar pyblikuam denoncimin tonë dhe nxorrëm lidhjen e kompanisë Integreted Energy BV. Çfarë ndodhi? Kompania ndryshoi emrin, nga Integreted Energy BV është bërë Geo Genix BV, pra ka ndërruar emrin në momentin që ne denoncuam. Kompania është e regjistruar në një guancë që quhet Almares, e cila ndodhet në Holandë. Janë një mal me letra, që nuk ka nevojë fare SPAK të lodhet, ne i kemi publikuar, me një letër në Holandë e zgjidh kollaj këtë pjesë. Këto dokumente i ka dhe kryetari i opozitës, zoti Basha, i cil8i filloi një betejë me inceneratorët dhe e la përgjysëm?, u shpreh Fundo./CNA.al





Lajmet e fundit nga