web counter
LEXO PA REKLAMA!

SHKARKO APP

App Store
Google Play

E fundit!

x

Rezultoi i dënuar në Greqi/ KQZ shtyn seancën për kryebashkiakun e Mallakastrës

30 Qershor 2021, 09:45, Politikë CNA

Komisioni Qendror i Zgjedhjeve ka vendosur që të shtyjë me dy ditë seancën për rezultatin e verifikimit për kryetarin e bashkisë së Mallakastrës Qerim Ismailajt.

Kujtojmë këtu se Ismailaj rezultoi i dënuar në mungesë me 3 vite burg në Greqi, për përleshje dhe rrahje me persona të tjerë.

Pala mbrojtëse e kryetarit të Bashkisë së Mallakastrës Qerim Ismailajt kërkoi shtyrjen e seancës që të paraqiste mbrotjen me shkrim.

Kreu i KQZ, Ilirjan Celibashi tha se kërkesa pranohet dhe se mbledhja e radhës do të zhvillohet të premten.

Qerim Ismailaj është dënuar në Greqi nga Gjykata e Chios me 3 vite burg në mungesë për veprën penale “Konflikti dhe përleshjes”. Kjo vepër penale në Kodin tonë Penala korrespondon me veprën “dëmtime të tjera me dashje” parashikuar nga ne 90/1 e cila sanksionon vetëm dënim me gjobë, vepër që nuk e prek ligji i dekriminalizimit. Por Ismailaj ka gënjyer në formularin e dekriminalizimit duke mos e shkruar këtë dënim dhe për këtë ai akuzohet për falsifikim të formularit të dekriminalizimit./CNA.al





Lajmet e fundit nga