web counter
LEXO PA REKLAMA!

SHKARKO APP

App Store
Google Play

Rrëzohet herësi/ ‘Kushtetuesja’ vendos hapjen e listave 100% për zgjedhjet e ardhshme

30 Qershor 2021, 13:58, Politikë CNA

Gjykata Kushtetues ka pranuar kërkesën e Bindjes Demokratike për të  shfuqizuar nenin që i shpërndan mandatet e deputetëve sipas herësit.

Me këtë vendim pritet që në zgjedhjet e ardhshme të kemi proces zgjedhor me lista 100% të hapura.

Në zgjedhjet e ardhshme parlamentare kandidati që merr me shumë vota, pavarësisht se ku është renditur në listë nga kryetari i partisë, merr mandatin e deputetit.

NJOFTIMI I GJYKATES

Gjykata Kushtetuese e Republikës së Shqipërisë mori në shqyrtim në seancën plenare publike të datës 09.06.2021 çështjen me kërkuese partinë ?Bindja Demokratike? dhe partinë ?Lëvizja Demokratike Shqiptare?, me objekt shfuqizimin e nenit 163 të ligjit nr. 10019, datë 29.12.2008 ?Kodi Zgjedhor i Republikës së Shqipërisë?, të ndryshuar me nenin 21 të ligjit nr. 118/2020, si i papajtueshëm me Kushtetutën e Republikës së Shqipërisë.
Në përfundim të shqyrtimit, Gjykata Kushtetuese

VENDOSI:
? Pranimin pjesërisht të kërkesës.
? Shfuqizimin e pikës 3 të nenit 163 të Kodit Zgjedhor si të papajtueshëm me Kushtetutën.
Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 ?Për organizimin dhe funksionimin e Gjykatës Kushtetuese të Republikës së Shqipërisë?, i ndryshuar.

 





Lajmet e fundit nga