web counter
LEXO PA REKLAMA!

SHKARKO APP

App Store
Google Play

Kryebashkiakja e Durrësit konfirmon aferën korruptive?/ Plehrat e Durrësit sillen në Tiranë

28 Qershor 2021, 11:52, Politikë CNA

Ditët e fundit në media, është përfolur në lidhje me situatën e mbetjeve në Durrës, ku duket se qyteti bregdetar është ?mbytur? nga plehrat.

Ndërkohë që prej një viti përflitej se plehrat e Durrësit do të silleshin tek incenerartorit I Tiranës, sot ministri I Brendshëm, Bledi Cuçi, deklaroi se situata do të zgjidhej, duke I depozituar mbetjet në një vend tjetër.

Ndërkohë, ka ardhur një reagim edhe nga kryebashkiakja e Durrësit, Emirjana Sako, e cila ka deklaruar se plehrat do të dërgohen në Sharrë, duke i dhënë sipas saj një zgjidhje situatës.

?Problemi i depozitimit të plehrave është në instancat qeveritare dhe pritet që ata të bëjnë vendimmarrjet e tyre. Bëhet fjalë për skenarin nr. 2 që parashikon depozitimin e tyre në inceneratorin e Sharrës. Kemi impenjim maksimal dhe po punohet 24 orë. Po ashtu edhe nga qeveria shqiptare ka nje impenjim maksimal dhe shpresoj se do të zgjidhet sa më shpejt?, ka thënë Sako.

Pra, mbetjet e Durrësit, do të sillen tek inceneratori i Tiranës, për ti dhënë kështu këtij të fundit rreth dy milionë euro në vit shtesë, vetëm për mbetjet e Durrësit, pa përfshirë ato të Tiranës.

Nga ana tjetër kujtojmë këtu se në fund të vitit 2016, kompania ?Integrated Energy B.V.? sh.p.k. fitoi koncesionin e ndërtimit të Landfillit, Inceneratorit dhe rehabilitimi i vend-depozitimeve ekzistuese Tiranë. Projekti koncesionar/PPP i paraqitur ka parashikuar kryerjen e pagesave për ofrimin e shërbimit në shumën 7.4 milionë euro në vit pa TVSH, nëpërmjet garantimit të një minimumi ditor prej 700 tonë/mbetje në ditë me tarifë prej 29.05 euro/ton, që për të gjithë kohëzgjatjen e koncesionit parashikohen në shumën 222.7 milionë euro pa TVSH.

Pra, skenari është mjaft i qartë, në media fryhet problemi dhe në fund fitojnë ortakët e Blushit që bën kronikat./CNA.al

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale





Lajmet e fundit nga