E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Plumbat përgjakën Shqipërinë/ “Çmendet” Kreshnik Spahiu, merr në mbrojtje Ramën

28 Qershor 2021, 07:50, Politikë CNA

Një ditë më parë, një ngjarje e rëndë tronditi opinionin publik shqiptar, ku pas një përplasje me armë zjarri në Velipojë, katër persona humbën jetën, ndërsa dy të tjerë mbeten të plagosur.

Por, përtej asaj që kryeministri thotë ?hëngshin kokat e njëri-tjetrit?, në Velipojë, hëngrën kokën edhe një të riu të pafajshëm.

Mes viktimave, mbeti i vrarë dhe 20 vjecari Myzerim Zeneli. I riu i cili ishte dhe jetim, kishte vetëm një ditë që kishte filluar të punonte si kamarier në hotelin e ?Gocaj?, por rezultoi që dita e parë e punës, të ishte dita e fundit e jetës së tij.

Ngjarja e rëndë në Velipojë, vjen pas një tjetër ngjarje tragjike ku si pasojë e një aksidenti, katër anëtarët e një familje humbën jetën, në aksion Fier-Vlorë.

Shqipëria u përgjak nga aksidentet dhe vrasjet, ku në vetëm një muaj kanë humbur jetën 10 persona, dhe qeveria nuk merr asnjë përgjegjësi, për jetët e humbura.

Dhe sikur mos mjaftonte kjo, dalin edhe servilët e lajkatarët, që marrin në mbrojtje kryeministrin dhe qeverinë e tij, duke thënë se fajin e paskan vetë qytetarët dhe jo qeveria. Apo më keq akoma, faji qenka edhe i mediave, pse i publikojnë.

Një ndër personat që ka reaguar në lidhje me ngjarjen tragjike të Velipojës, është edhe Kreshnik Spahiu, ish-kreu i Aleancës Kuq e Zi.

Spahiu, në një postim në rrjetet sociale, sillet njëlloj si Elisa Spiropali, e cila disa kohë më parë, për një tjetër ngjarje tragjike tha ?të tilla ngjarje ndodhin edhe në botë, madje bëhen edhe filma?.

Pothuajse të njëjtën gjë, ka thënë edhe Kreshnik Spahiu, i cili përpiqet që duke sjellë në vëmendje një ngjarje në Gjermani, të justifikojë ?luftën? që bëhet në Shqipëri.

Për më tepër, ai fajëson qytetarët, që sipas tij bëjnë krime edhe në Europë, por dhe mediat që i pasqyrojnë.

Sipas Spahiut, kur qeveria dështon të mbrojë jetët e qytetarëve shqiptarë, kur rrugët përgjaken nga aksidentet dhe vrasjet, mediat duhet të heshtin.

Po 20-vjeçari jetim që humbi jetën ditën e parë të punës, çfarë faji kishte Zoti Spahiu? Apo kishte faj se punonte për bukën e gojës, për t?iu bërë ndihmë nënës së tij.

Asnjë jetë e humbur nuk mund të justifikohet.

Ai ?patrioti i madh? Kuq e Zi, jo vetëm që thotë që nuk është krenar që është shqiptar, por nuk nguron fare të nxijë imazhin e shqiptarëve, për të cilët thotë se edhe në Europë janë ?kriminelë, vrasës e përdhunues?. Kur në fakt shumica e shqiptarëve kanë marrë rrugët e botës, për një jetë më të mirë për familjet e tyre dhe jetojnë me djersën e ballit. Nuk mund të përgjithësojë shqiptarët me ?kriminelët?, as Kreshnik Spahiu dhe asnjë lëpirës tjetër i kryeministrit Edi Rama.

Ndoshta Spahiu ka harruar edhe një detaj tjetër, në Europë shqiptarët i përzuri shteti i Edi Ramës, i përzuri politika 30-vjeçare, pjesë e së cilës është edhe vetë “parimori” Kreshnik Spahiu, i cili duket se po i bën fresk kryeministrit./CNA.al