web counter
LEXO PA REKLAMA!

SHKARKO APP

Masakra e Velipojës/ Ironizon Boçi: Shteti ka marrëdhënie brilante me krimin

27 Qershor 2021, 18:55, Politikë CNA

Deputeti i zgjedhur i PD Luçiano Boçi ka kometuar ngjarjen e Velipojës ku për shkak të një konflikti mes pronarëve të dy bizneseve për një shezlong, mbetën të vrarë katër persona, ndërsa dy të tjerë mbetën të plagosur.

Në një prononcim për CNA.al, Boçi shprehet se vrasjet në këtë qytet janë pjesë e një zinxhiri ngjarjesh kriminale.

Ai akuzon kryeministrin Edi Rama se është cinik ndaj vlerave të qytetarisë dhe shtoi se shteti ka një marrëdhënie brilante me krimin.

Gjithashtu Boçi thekson se në vendin tonë mungojnë rregullat.

?Vrasjet në Velipojë janë pjesë e një zinxhiri ngjarjesh kriminale që kanë pushtuar vendin pas zgjedhjeve. Shteti në Shqipëri ka pamje neurotike. Pamjen e vetë Kryeministrit.

Funksionon vetëm në momente skizofrenie dhe drejtohet si dhunë ndaj qytetarëve të thjeshtë dhe si prodhues politik votash, ndërkohë që me krimin ka një marrëdhënie brilante.

Ne kemi një shtet cinik me një kryeministër cinik ndaj vlerave e qytetarisë. Në vendin tonë mungon shteti rregullator i marrëdhënieve në bazë të ligjit dhe te drejtave.

Nga ana tjetër mosperputhja midis vullnetit qytetar dhe perfaqesimit politik krijon shpërpjestim të raporteve dhe respektimit të institucioneve. Ndaj tyre nuk ka besim dhe çdo gjë zgjidhet jashtë tyre dhe ligjit?, u shpreh Boçi./ CNA.al





Lajmet e fundit nga