E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Policia e Shtetit si “Zëvëndësi i grave”

28 Qershor 2021, 08:54, Politikë CNA

Është një film shqiptar, mjaft i realizuar, ku aktrojnë disa nga personalitetet e kinematografisë shqiptare, i cili na jep një panoramë të gjendjes që ka Policia shqiptare sot apo mënyra sesi ajo është trajtuar me ardhjen e Rilindjes në pushtet.

Policia e Shtetit nuk mund të jetë ?Maku?, i ?Zëvëndësit të grave?. i cili kapte një punë, sa herë që një zonjë shkonte me leje lindje.

Kështu është bërë edhe me Policinë shqiptare. Sa herë nuk funksionon diçka në vend, nxjerrin përpara Policinë.

E duke e nxjerrë, e nxjerrë Policinë kaq shumë, për gjithçka dhe për çdo gjë, ndoshta jo vetëm është ngarkuar më shumë sesa i takon, por i ka rënë edhe reputacioni. Pasi nuk i jep dot dhe zgjidhjet që i takon.

Këtu nuk përjashtojmë në asnjë rast problematikat e saj, korrupsionin në piramidë, paaftësinë e drejtuesve vendor, problematikat e atyre në qendër, goditjet e herëpashershme dhe reformat politike, për të futur njerëz me staturë militanti brenda uniformave blu.

Por, mbi të gjitha këto, Policia nuk mund të jetë asnjëherë ?Zëvëndësi i grave?.

Shpallja ?non grata? e Sali Berishës/ Reagon Rama: Lajm pikëllues Nuk mund të jetë një ?Maku? në dorën e kryeministrit.

Për gjithçka i kërkohet lloghari Policisë së Shtetit, për akset rrugore ku ka tregtarë që shesin fruta-perime.

Po pushteti vendor, çfarë bën?

Ku janë turmat e policëve bashkiakë pa fund, të cilët mbulojnë njësitë e caktuara administrative?

Cili është rezultati i Reformës Administrative dhe kompentencave të pushtetit vendor?

A mund t?i zgjidhë të gjitha Policia e Shtetit?

Nga ana tjetër, pushteti vendor, ka edhe ai strukturën për ruajtjen e territorit. Pra, ndërtimet pa leje.

Pse duhet të merret Policia, si kamzhik? Kur dështon INUK vendor, thërrasin Policinë.

Nga ana tjetër, Policisë së Shtetit i kërkohet llogari për gjithçka. Edhe kur mjetet kalojnë me shpejtësi, edhe kur ndodhin tragjedi.

Patjetër që duhet të ndodhë.

Por, problem qëndron në një tjetër aspekt.

Policia e Shtetit ka humbur thelbin e saj, ka humbur drejtimin e saj. Ka humbur atë që quhet bashkëpunimi me qytetarët. Kjo për shumë arsye, nga mungesa e besimit, nga korrupsioni që ndodh tek Policia, apo tek fakti tjetër që ka të bëjë me sjellje abusive, të të gjithë piramidës së policisë. Pasi kjo trupë është nxjerrë përballë qytetarit edhe për ndërtimet, edhe për tregtarët, edhe për protestat, edhe për çatinë që do të ndërtosh, por edhe për hallin dhe problemin, apo konfliktin që mund të kesh.

Ka rënë së tepërmi reputacioni i marrëdhënies me qytetarin. Ka rënë së tepërmi informacioni që Policia ka në lidhje me komunitetin. Pra, konfliktet, për zgjidhjen e çështjeve dhe mos lejimin që situata të agravojë.

Dhe kjo ka ndodhur thjeshtë dhe vetëm se Policinë e Shtetit në këto tetë vite të Rilindjes, e kanë trajtuar thjeshtë dhe vetëm si ?Zëvëndësin e grave?.

Kujtojmë këtu dy raste. Kohën kur Shqipëria u kanabizua, kur situata doli nga kontrolli, Policia e Shtetit ngriti duart lart dhe vendi u mbulua me hashash.

Më pas erdhi Fatmir Xhafaj në krye të Ministrisë së Brendshme, i cili me një reformë, duke përdorur edhe parulla politike siç ishte ajo i Vettingut në Policinë e Shtetit, e ktheu këtë institucion në një strukturë politike, në duart e një ministri që më pas u godit edhe më ashpër nga Sandër Lleshaj, një gjeneral ushtrie, që u kthye në një ?kapterr partie?.

Aktualisht, Policia po vuan jo pak pasoja, dhe kjo për shkak se është trajtuar në mënyrë të gabuar, është përdorur në mënyrë të gabuar dhe sot pasojat i shohin të gjithë çdo ditë.

Policia e Shtetit nuk mund të jetë një ?Maku?, i cili në fakt ishte një njeri i ndershëm, kurse Policia jonë është një trupë problematike, me struktura jo vetëm të korruptuara, por ndoshta edhe të kriminalizuara.

Prandaj, që Policia e Shtetit të kthehet në rrugën e saj, që të kthehet në aksin e ligjit dhe të marrë autoritetin që i takon, duhet të ketë jo një reformë qesharake apo një ?furtunë në gotë?. Por një reformë të fortë ligjore, e cila i jep autoritetin e duhur dhe nuk e bën atë një strukturë të përdorur apo keqpërdorur nga ministri i radhës apo kryeministri i radhës./CNA.al