web counter
LEXO PA REKLAMA!

SHKARKO APP

App Store
Google Play

Çuçi justifikon dështimin/ Gjen “fajtorët” për vrasjet

28 Qershor 2021, 09:43, Politikë CNA

Ministri i Brendshëm, Bledi Çuçi ka dalë sot në një deklaratë për mediat, ku ka reaguar në lidhje me ngjarjet e fundit kriminale në vend.

?Policia e Shtetit as nuk ndjek çdo makinë dhe as nuk mund të parandalojë një sherr në orën 1 të natës mes dy fqinjëve. Dy raste kërkojnë reflektim nga të gjithë përfshirë këtu edhe policinë e shtetit. Policisë do ti vëmë në dispozicion edhe dronët super inteligjent. Policia ndalon dhe nuk dënon shkelës kriminelë. Nga muaj i fundit ne kemi shtrënguar masat e armëve pa leja. Janë ndaluar tre persona së fundmi me precedencë penale? tha Çuçi.

Ndërsa është pyetur nga gazetarët nëse ka një databaze të armëve pa leje që disponojnë qytetarët shqiptarë, ministri Çuçi tha se kjo është e pamundur.

Por, gjithashtu ministri ka tentuar të justifikojë dështimin në mbrojtjen e jetës së qytetarëve, duke bërë fajtorë për këtë prokurorët dhe gjykatësit, që sipas tij nuk kanë kaluar Vettingun.

Sipas Çuçit, janë prokuroritë dhe gjykatat që lirojnë nga burgu, persona të rrezikshëm, pasi këta të fundit janë vënë në pranga nga Policia e Shtetit.

?Ne mundohemi të parandalojmë përdorimin e këtyre armëve me sa mundemi. Por, rastet nga gjyqësori dhe prokuroria janë raste që pengojnë Policinë e Shtetit në këtë drejtim.

Shoqëria shqiptare kërkon që elementë të rrezikshëm të dënohen me makasimumin që jep ligji nëse kapen me armë pa leje.

Vetëm në qershor tre perona me rrezikshmëri të lartë janë kapur në flagrancë me armë pa leje, me fishekë në gojë, gati për qitje. Por, prokurori dhe gjykata e ka parë të arsyeshme që të kenë masë lehtësuese dhe të lihen në shtëpi.?-tha Çuçi./CNA.al





Lajmet e fundit nga