web counter
LEXO PA REKLAMA!

SHKARKO APP

App Store
Google Play

E fundit!

x

“Hëngshin kokat e njëri tjetrit”/ Enkelejd Alibeaj “copëton” Bledi Çuçin

28 Qershor 2021, 12:11, Politikë CNA

Partia Demokratike ka reaguar pas konferencës për media të Ministrit të Brendshëm, Bledi Çuçi.  Ka qenë Enkelejd Alibeaj, nga selia blu, i cili e ka cilësuar ministrin Çuçi si zëdhënës të regjimit Rama-Doshi.

?E dëgjuam zëdhënësin e regjimit Rama-Doshi teksa lante duart me kapitullimin e rendit dhe sigurisë në vend. Fjalë dhe vetëm fjalë nga ata që kanë rrëmbyer të gjitha pushtetet dhe nuk mbajnë përgjegjësi për asgjë.  

Për zëdhënësin e regjimit në ministrinë e brendshme, fajin e kanë shqiptarët, fajin e kanë viktimat, fajin e kanë familjet shqiptare që jetojnë në ankthin e breshërisë së radhës apo përgjakjes së radhës, por kurrsesi ata që të vetmen strategji kanë ?hëngshin kokat e njëri-tjetrit?. Fatkeqësisht, përveç gjunjëzimit para krimit, ata nuk kanë çfarë t?ju ofrojnë shqiptarëve?, ka deklaruar Alibeja.

Sipas tij, modeli që kanë ndërtuar ndër vite është ai i kriminalizmit të institucioneve dhe të politikës për të marrë dhe për të mbajtur pushtetin me çdo çmim. Me krimin dhe për krimin.

“Faturën e këtij bashkëpunimi të pështirë midis politikës dhe krimit, po e paguajnë familjet shqiptare, sepse një pushtet i marrë me krimin, nuk vret vetëm demokracinë, por vret të pafajshëm në çdo cep të Shqipërisë.

 Pa u goditur ky model, pa u zhbërë aleanca midis regjimit Rama-Doshi dhe krimit të organizuar, pasiguria do të mbretërojë në çdo shtëpi, në çdo rrugë, në çdo lagje dhe në çdo qytet.

 Partia Demokratike, bashkë me shumicën e shqiptarëve që në 25 prill votuan për largimin e këtij regjimin dhe fundin e modelit të politikës të lidhur me krimin, do të vazhdojë luftën për ndarjen e politikës nga krimin, për kthimin e legjitimitetit në vend, si të vetmen rrugë për të garantuar rend dhe siguri për familjet shqiptare?, është shprehur më tej ai./CNA.al





Lajmet e fundit nga