web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Vishaj: Në fillim të vitit 2022 nuk do ketë më korrupsion

3 Qershor 2021, 19:09, Aktualitet CNA

Avokati Saimir Vishaj, ka folur mbrëmjen e sotme për Reformën në Drejtësi dhe për plotësimin  e vendeve vakante në Gjykatën Kushtetuese dhe atë të Lartë.

Vishaj tha se plotësimi i vakancave ka një rol kyç në Reformën në Drejtësi, ndërsa deklaroi se presioni i ushtruar nga SHBA ka ndihmuar zgjidhjen e ngërçeve në këto organe.

Ai theksoi se korrupsioni do të minimizohet atëherë kur Reforma në Drejtësi të arrijë kulmin dhe sipas tij rezultatet do të vihen re në fillim të vitit 2022.

?Nuk ka më kthim mbrapa. Jemi në ngjitje me sukseset e kësaj reforme. Në fillim të vitit 2022, do të prodhojmë një produkt që dëshirojmë. Nuk do të ketë më korrupsion. Ne nuk themi që do ta zhdukim korrupsionin, por po deklarojmë që do ta minimizojmë këtë korrupsion?, u shpreh avokati në Vizion Plus?.

Gjithashtu Vishaj përshëndeti propozimin e Kreun e Këshillit të Lartë të Prokurorisë për të bërë vetting të përhershëm për të gjithë magjistratët.

?Unë përshëndes Prokurorin e Përgjithshëm. Më në fund ka filluar një decantrilizim i Prokurorisë. Sot, Prokuroria është e pavarur. Por duhet të mësohemi që efektet nga ajo ?ngjitje mali? që tha sot ambasadorja amerikane po vazhdojnë. Kur të arrijmë në pikën kulminante, shqiptarët do ta kuptojnë që reforma ka dhënë produktin e saj?, theksoi ai./ CNA.al





Lajmet e fundit nga