web counter
LEXO PA REKLAMA!

SHKARKO APP

App Store
Google Play

Shembja e Teatrit Kombëtar/ Dritë jeshile nga Gjykata Kushtetuese

3 Qershor 2021, 10:51, Aktualitet CNA

Gjykata Kushtetuese ka zhvilluar sot seancën gjyqësore, në lidhje me padinë e Presidentit Ilir Meta, për shembjen e Teatrit Kombëtar.

Gjykata Kushtetuese i jep kohë për provat shtesë Presidencës për t?i paraqitur për çështjen e ligjit të Teatrit Kombëtar.

Ndërkohë, në një prononcim për mediat pas përfundimit të seancës, këshilltari ligjor i Presidentit, Bledar Dervishaj është shprehur se ka një dritë jeshile nga Gjykata Kushtetuese.

Dervishaj tha se Gjykata Kushtetuese ka kërkuar thirrjen e ekspertëve të trashëgimisë kulturore, gjë që sipas tij tregon se mund të rikuperohet ajo që ka ndodhur me Teatrin Kombëtar.

?Gjykata rrëzoi kërkesën për thirrjen e dëshmitarëve në proces, por dhe mundësi për të thirrë ekspertë të specializuar të trashëgimisë kulturore. Kjo është një risi në mbrojtjen e vlerave dhe identitetit kombëtar, që u cënua, por mund të rikuperohet?-tha Dervishaj.

Ndërkohë, mësohet se seanca e radhës, do të mbahet në 15 qershor.

Brenda datës 8 qershor ora 12:00 duhet që të sillen dokumentet e listuara nga kërkuesi, ndërsa la afat datën 10 qershor për shpjegimet shtesë pasi të paraqiten dokumentet e reja.

Sipas Kushtetueses, secila palë duhet të paraqitet me nga një ekspert që kanë njohuri të posaçme për çështjen./CNA.al

Seanca për Teatrin në Kushtetuese/ Kërkohen si dëshmitar Rama dhe Braçe

Meta nuk heq dorë nga Teatri/ Presidenca kërkon thirrje të dëshmitarëve, çfarë ndodhi sot në seancë





Lajmet e fundit nga