web counter
LEXO PA REKLAMA!

SHKARKO APP

App Store
Google Play

Injektimi i parave të pista në ndërtim/ Malaj: Ndikon në mos hapjen e negociatave

2 Qershor 2021, 18:51, Aktualitet CNA

Eksperti i ekonomisë Arben Malaj ka folur për injektimin e parasë së piset në ndërtim. Sipas tij, ky lajm nuk është pozitiv dhe nëse ky fenomen ndikon në mos hapjen e negociatave atëherë dështimi do të jetë i madh.

“Lajmi nuk është pozitiv dhe në qoftë se sipas medieve shumë serioze siç është Zëri i Amerikës, shqetësimi i vendeve të Bashkimit Evropian për këtë element kritik të ekonomisë informale dhe kriminale në përmasa shqetësuese në vendet e Ballkanit Perëndimor dhe në mënyrë të veçantë në Shqipëri do  të shërbejë për të mos çelur negociatat, atëherë dështimi është i madh.  Kjo do të vërtetojë përfundimisht dhe shqetësimin nëse ne kishim zgjedhje që ofruan zgjidhje apo të gjitha shqetësimet e ngritura ndërkombëtare se Shqipëria rrezikohej nga rritja e korrupsionit, sidomos nga kapja e shtetit dhe është një kërcënim jo vetëm për Evropën por për gjithë Shqipërinë dhe shqiptarët?, u shpreh Malaj.

Injektimi i parave të pista në fushën e ndërtimit sipas Malajt ndikon direkt dhe indirekt në xhepat e shqiptarëve sepse përkeqëson qeverisjen e vendit.

?Ndikon direkt dhje indirekt sepse përkeqëson qeverisjen e vendit. Kur një qeveritar infektohet nga paraja e pistë, ndikon në qeverisjen e vendit. Elementi më kritik është fakti që ky proces është prova më konkrete.  Kostoja e korrupsionit ja bën jetën më të vështirë shqiptarëve“, shtoi eksperti i ekonomisë./ CNA.al





Lajmet e fundit nga