web counter
LEXO PA REKLAMA!

SHKARKO APP

App Store
Google Play

Do mbajë të mbërthyer shqiptarët pas ekranit/ Mentor Kikia me program të ri televiziv

2 Qershor 2021, 18:12, Aktualitet CNA

Gazetari Mentor Kikia nga sot do të nisë një program të ri televiziv, të titulluar ?PËRSE? në ekranin e Euronews.

Përmes një postimi në rrjetin social, Kikia tregon më shumë detaje nga ky program, ku në fokus nuk do të ketë diskutimet politike, por konstatime të problemeve që qytetarët hasin çdo ditë.

Programi më i ri në Euronews Albania, ?Përse?, në episodin e parë kalon në skaner pasojat e ndotjes që ka lënë Kombinati Metalurgjik në Elbasan për më shumë se 25 vjet në shëndetin e punëtorëve dhe banorëve të zonës, në ajër, tokë dhe nëntokë.

?Të dashur miq, nga sot do të kemi një mundësi komunikimi më shumë. Nga sot unë kam nisur një program në televizionin ?Euronews Albania?.

Titullohet ?PËRSE?!

Nuk është një debat politik, nga ato ku, ai që shan më shumë, është më i sukseshmi. Është një program që i dedikohet problemeve sociale, mjedisit, shëndetësisë, shkollës, problemeve të shoqërisë, mungesës së edukatës, dhunës dhe krimit, pasojave të politikës së keqe dhe keqqeverisjes.

?PËRSE? synon më shumë se sa konstatimi i problemit. Përmes investigimit dhe analizës, synon të japë përgjigje për problemet që ngrihen:

Përse jemi vendi me nivelin më të lartë të korrupsionit, dhe nuk kemi asnjë të korruptuar në burg?

Përse nuk kemi ujë as në shtëpi e as në ara, kur rrethohemi nga uji?

Përse jemi kaq të varfër kur kemi kaq shumë pasuri natyrore?

Përse të gjithë merremi me politikë dhe të gjithë pilitikën e shajmë?

Përse vetëm ankohemi dhe asgjë nuk bëjmë?

Përse të gjithë e duam vendin të pastër dhe plehrat i hedhim nëpër rrugë?

Ka shumë PËRSE.

Sot e nisëm me dramën mjedisore të Metalurgjisë. Atë që ndodhi kur nuk kishte ligje mjedisore dhe atë që ndodh sot, kur ka ligje por nuk zbatohen.

Me ndihmen tuaj, une shpresoj qe kjo te jete nje dritare permes te ciles te shikojme problemet tone dhe te perpiqemi tu gjejme aryset?, shkruan Kikia./ CNA.al





Lajmet e fundit nga