Gjyqtari denoncon prokurorin për veprime joetike/ KLP zbardh ankesat, “shpëton” Bujar Memia

2 Qershor 2021, 11:10, Aktualitet CNA

Kreu i Këshillit të Lartë të Prokurorisë, Gent Ibrahimi, ka dalë sot para Komisionit Parlamentar të Ligjeve, për të hedhur dritë mbi punën e kryer gjatë vitit 2020.

Ndër të tjera Ibrahimi është ndaluar edhe tek ankesat e Inspektoriatit të Lartë të Drejtësisë, në lidhje me prokurorët.

Janë shënuar dy raste, sipas raportit të KLP, për procedim disiplinor.

Bëhet fjalë për një prokurore në Tiranë,rast për të cilën Ibrahimi thotë se patën vështirësi.

?Kërkesa Nr. 251/31, datë 21.07.2020, e ILD ?Për fillimin e procedimit disiplinor ndaj një magjistrati me detyrë prokurore pranë Prokurorisë së Rrethit Gjyqësor, Tiranë?.

Ky procedim përbënte një sfidë për punën e Komisioni të Disiplinës, përveç faktit që ishte procedimi i parë dhe praktika në këtë drejtim mungonte, por u zhvillua në kushtet ku nuk ishte miratuar ende rregullorja mbi funksionimin e komisionit disiplinor në zhvillimin e procedurave disiplinore ndaj prokurorëve.

Në përfundim të këtij procedimi në vlerësim të kompleksitetit të kësaj çështje, u pa e domosdoshme hartimi sa më parë, i një rregullore mbi funksionimin e komisionit disiplinor në zhvillimin e procedurave disiplinore ndaj prokurorëve?, thuhet në raportin e KLP-së.

Rasti i tjetër ka lidhje me prokurorin e Krujës Bujar Memia, por që sipas kreut të KLP-së, Gent Ibrahimi pranë KLP nuk ka shkuar ende zyrtarisht një kërkesë për vijimin e procedurave

?Kërkesa Nr. 1752/1, datë 16.07.2020, e ILD ?Njoftim për fillimin e hetimit disiplinor me iniciativë për një magjistrat, me detyrë prokuror pranë Prokurorisë së Rrethit Gjyqësor, Krujë?.

Në lidhje me procedimin e dytë, njoftimi për këtë hetim disiplinor ka ardhur në korrik 2020, por në fakt pranë KLP nuk ka ardhur ende zyrtarisht një kërkesë për vijimin e procedurave disiplinore?, thuhet në tej në raportin e KLP-së.

Gjyqtari ankohet për prokurorin

Gjatë vitit 2020, ankesat në KLP kanë qenë të ndryshme.

Kjo është evidentuar në raportin e vitit 2021, ku rezulton që një gjyqtar të jetë ankuar për një prokuror, për veprime jo etike të këitj të fundit. Apo edhe ankesa kundrejt Prokurorit të Përgjithshëm Olsian Çela.

Ka qenë prokurori i Vlorës, Albert Kuliçi, i cili është ankuar në Këshillin e Lartë të Prokurorisë, për Prokurorin e Përgjithshëm Olsian Çela.

Kuliçi këmbëngul, se Prokurori i Përgjithshëm, ka marrë kompetencat e drejtuesit të prokurorisë, duke normuar me një udhëzim të përgjithshëm, detyrueshmërinë e ushtrimit të kompetencave të drejtuesit të prokurorisë në drejtimin administrativ të prokurorisë, e për rrjedhojë në detyrimin e të gjithë prokurorëve që të zbatojnë këtë udhëzim, për vetë faktin se ligji ka sanksionuar, se udhëzimet e përgjithshme janë të detyrueshme.

Një ankesë e tillë është bërë dy herë radhazi në KLP. Kjo e fundit ka vendosur të rrëzojë ankimimin e prokurorit Albert Kuliçi me 10 vota pro, si të pabazuar në ligj, duke dalë në krah të Prokurorit të Përgjithshëm, Olsian Çela.

I vetmi anëtar i KLP që ka dalë kundër Prokurorit të Përgjithshëm, është Tartar Bazaj

?Trajtimin e ankimit të një prokurori, kundër udhëzimit nr.12, datë 20.07.2020, procedurë e cila përfundoi me vendimmarrjen e KLP.

Trajtimi i Ankesës së një Gjyqtari, kundër një prokurori, për veprime jo etike të kësaj të fundit.

Ankesa ndaj kancelares së prokurorisë së Tiranës, ardhur nga një grup sekretarësh të prokurorisë pranë Gjykatës së Rrethit Tiranë.

Kërkesa e një prokurori, me objekt ?Shfuqizimin e Urdhrit të Drejtuesit të Prokurorisë pranë Gjykatës së Rrethit Gjyqësor Vlorë, për krijimin e grupit hetimor….., praktikë e cila është përfunduar me vendim të KLP?, thuhet në raportin e KLP-së./CNA.al