web counter
LEXO PA REKLAMA!

SHKARKO APP

App Store
Google Play

E fundit!

x

“Mospranimi i politikës Amerikane”/ Ngjela: Sëmundje e vjetër e lidershipëve

1 Qershor 2021, 19:02, Aktualitet CNA

Avokati Spartak Ngjela është shprehur se mospranimi i një sistemi të ri të politikës amerikane nga lidershipët e qeverisjes në Shqipëri është sëmundje e vjetër.

Në një postim në rrjetet sociale Ngjela shprehet se fajtor për mos liberalizimin intelektual që kërkonte demokracinë amerikane në Shqipëri ishin Enver Hoxha dhe ish kryeministri Sali Berisha.

Sipas tij, Berisha do të jetë shumë shpejt nën hetim për korrupsion të lartë.

?Mospranimi si një sistem i ri i politikës amerikane nga lidërshipët e qeverisjeve në Shqipëri, është një sëmundje e madhe dhe e vjetër e qeverisjes komuniste, por edhe e qeverisjes gjatë viteve 1992-1997, të cilat, ndryshe nga ndjesia e madhe proamerikane e shqiptarëve, kanë rënë ndesh me politikën amerikane.

Kampionët e këtij fenomeni janë Enver Hoxha dhe Sali Berisha,

Nëse na duhet ta shkruajmë këtu arsyen e këtij antiamerikanizmi Hoxha-Berisha, nuk kemi përse të zgjatemi, se është shumë i thjeshtë, dhe arsyeja thelbësore e tij është gjykimi se: patologjia e pushtetit absolut Hoxha-Berisha, nuk mund të pranonte liberalizmin intelektual Hoxha kaloi, në fakt, në një ideologji antiamerikane dhe këtë e futi si ideologji didaktike në të gjithë arsimin shqiptar. Po Sali Berisha?

Berisha ka frikë, nuk del dot hapur në antiamerikanizmin e tij, se ka frikë nga shqiptarët. Por është edhe naiv kur mendon se po i gënjen shqiptarët me përrallat e tij të shtirjes si “një luftëtar i amerikanizmit”. E bën këtë nga frika, apo nga intelekti i rënduar që ka aktualisht, kjo pak rëndësi ka, Berisha shpejt do jetë nën hetim për këtë që shprehëm, dhe për korrupsionin e lartë familjar?, ka shkruar Ngjela./ CNA.al

 





Lajmet e fundit nga