Skandali me gjyqtaren e Elbasanit/ Sadik Bejko: Video poshtëruese, kush e tradhtoi mendjelehtën

1 Qershor 2021, 18:50, Aktualitet CNA

Skandali me gjyqtaren e Elbasanit/ Sadik Bejko: Video poshtëruese, kush e

Skandali me kryegjyqtaren e Elbasanit Enkeleda Kapedani ka shokuar mbarë opinion publik.

Lidhur me këtë rast, ka reaguar profesori Sadik Bejko, i cili përmes një postimi në rrjetin social Facebook shkruan se ajo po ndëshkohet nga të gjithë, sepse sot personat e drejtësisë janë vënë para opinionit publik si ato kafshët e gjahut, të ndjekura nga gjahtarët.

Bejko thekson më tej se është e drejta e çdo personi të ketë një jetë private ku mund të bëjë çfarë të dojë, por profesori e sheh të pa vend abuzimin në një institucion shtetëror dhe në orar zyrtar, ndërsa ngre pyetjen se kush besnik e tradhtoi gjyqtaren mendjelehtë.

?Gjyqtarja e Elbasanit

(me video poshtëtuese)

Në rastin më të mirë, mendohet se çdo zyrtare shteti, në jetën e saj përtej zyrave, ka të drejtën e intimitetit, të ndjehet seksi, të ndjehet femër… Dhe e vlerësuar si e tillë.

Deri këtu nuk ka asgjë të keqe.

Kur ky intimitet bëhet publik, psh postohen foto me tanka si ato të miseve, postohen çaste të nxehta… ajo/ai, zyrtari zhvlerësohen.

Pse? Pse nuk diti ta ruajë privacinë nga të tjerët. Jeta private mbrohet, por po u bë publike,….

Kjo është me pasoja.

Tjetra..

Kush e bëri publik një intimitet të tillë?

Mos për shantazh?

Ose për diskreditim të paramenduar nga persona të mirëbesuar?

Filmimet në mjedise zyrash janë në ditë kur këto zyra janë të zbrazura, jashtë orarit zyrtar.

Gjyqtarja me mendjelehtësi, kujt ia ka besuar këtë intimitet, që është tradhtuar, duke u bërë publik?

Ajo po ndëshkohet nga të gjithë, sepse sot personat e drejtësisë janë vënë para opinionit publik si ato kafshët e gjahut, të ndjekura nga gjahtarët.

Për të tilla “kafshë të pyllit” nuk kërkohet mëshirë, veç asaj që gjahtarët t’i vrasin drejt e në lule të ballit, që së paku mos të ndjejnë dhimbje…

Po të tjerët kanë faj?

Vallë nuk kanë faj ata që kanë emëruar në përgjegjësi të tilla, persona si kjo gjyqtarja që nuk e kanë moshën, stazhin, as ndërgjegjen e stërvitur deri në shkallën e merituar të nëpunësit publik të sistemit të drejtësisë?

Vallë i kanë emëruar të tillat që t’i komandojnë, t’i përdorin si leva për punë të pista??, shkruan profesor Sadik Bejko./CNA.al