E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Aleanca për Teatrin merr fitoren e parë në Kushtetuese/ Kalaja bën paralajmërimin e fortë

3 Qershor 2021, 11:10, Aktualitet CNA

Juristja e Aleancës për Mbrojtjen e Teatrit Kombëtar, Adriana Kalaja ka paralajmëruar sot se nuk do të ndalen, derisa Gjykata Kushtetuese të marrë një vendim pro Teatrit Kombëtar.

Në një prononcim për mediat, pas përfundimit të seancës gjyqësore, Kalaja tha se Gjykata Kushtetuese pranoi 2 prej 3 kërkesave të parashtruara nga ata, gjë të cilën ajo e cilësoi si fitoren e parë.

Kalaja tha se është kërkuar që në seancë të paraqitet edhe një ekspert për mbrojtjen e trashëgimisë kulturore, ku do të vërtetohet sipas saj se Teatri Kombëtar ka qenë një vepër arti.

?Ne parashtruam disa kërkesa paraprake. Nga këto kërkesa dy nga 3 u pranuan. Kjo është fitore e momentin. Sot e çmojmë se nisi çështja në Gjykatën Kushtetuese. Ato që kemi kërkuar ne, mënyrën se si e kemi ngritur çështjen në Kushtetuese, do ta detyrojmë që të jetë pro teatrit. Kërkuam marrjen e provave që daton që në 1937 që kanë të bëjmë me blerjen e votës. Ne kemi parashtruar në kërkesat paraprake se jo vetëm që jemi bashkuar me palën e presidentit, si palë e trete, po kemi kërkuar përveç dëshmitarëve pe të na lënë të paraqesim ekspertë. Eksperti do të jetë në fushën e trashëgimisë kulturore, një ekspert që ka dijeni të posaçme. Ngërçi është se palët e interesuara, duke nisur nga Kuvendi, Kryeministria, ministria e Kulturës dhe asaj të Financave dhe bashkia Tiranë sjellin argumentin se Teatri nuk ka qenë monument kulture. Ne do të vërtetojmë se teatri jo vetëm që ka qenë pjesë e zonës historike, monument kulture, por heqja është bërë për t?ju hapur rrugë prishjes së Teatrit.?, tha Kalaja.

Nga ana tjeter, regjisori Edmond Budina tha se në rastin e Teatrit, morali dhe ligji janë bashkë ndërsa u shpreh optimist se Gjykata Kushtetuese do të japë vendim të drejtë për të ngritur demokracinë në vend.

?Sistemi i drejtësisë i çdo vendi e ruan moralin. Por jo gjithmonë ligji përshtatet me moralin. Në rastin e teatrit, është e qartë se morali dhe ligji janë bashkë, pasi është një aferë korruptive. Jemi besimplotë se Gjykata Kushtetuese do të japë një vendim të drejtë se me teatrin kombëtar ngrihet demokracia në këtë vend.?, tha Budina.

/CNA.al

Shembja e Teatrit Kombëtar/ Dritë jeshile nga Gjykata Kushtetuese