web counter
LEXO PA REKLAMA!

SHKARKO APP

App Store
Google Play

Marashi i Lulit del nga kontrolli/ Elvis Çefa e paralajmëron

21 Maj 2021, 14:30, Politikë CNA

Një incident qesharak ka ndodhur në minutat e fundit të mbledhjes së KAS.

Kur drejtuesi i seancës, zoti Elvis Çefa, po njoftonte orarin e shpalljes së rezultatit të rinumërimit të votave për qarkun e Beratit, përfaqësuesi i PD ose Çerri i Babales, ka kërkuar fjalën.

Shpërdorimi që i bëri Elvis Çefa rolit të drejtuesit të seancës, ju kthye mbrapsh menjëherë me pasojën e vetme të bërjes qesharake të sallës së KQZ.

Çerri i Babales duke përfituar nga zemërgjerësia e zotit Çefa, filloi të lëshojë deklarata të çuditshme për kërcënime që i qenkëshin bërë vëzhguesve meshkuj demokrat, nga një femër socialiste.

Artikulimi prej njeriu me probleme mendore, nga Çerri i Babales, i fjalive si formulime akuzash që s’kanë lidhje me KQZ dhe përsëritja e atyre fjalive për më shumë se tre herë, vunë në siklet drejtuesin e seancës.

Deliri i Çerrit të Babales detyroi më në fund, zotin Çefa që në cilësinë e drejtuesit të seancës të paralajmërojë Çerrin, për sjelljen prej cubi.

Në fakt incidenti qesharak përshkruan më së miri derexhenë ku është katandisur PD dhe profesionistët e PD.

Dikur të përfaqësuar nga një ekip juridik i definuar si “Dream-Team” nga gazetarët politikë, PD sot ka rënë në duar të një të sëmuri psiqik si Çerri i Babales.

E vështirë rruga e shërimit, por më e pamundur rruga e fitores./ CNA.al





Lajmet e fundit nga