web counter
LEXO PA REKLAMA!

SHKARKO APP

App Store
Google Play

E fundit!

x

Grupimi për PD paraqet dy kandidaturat për kryetarin e ri/ Zbardhen kërkesat

21 Maj 2021, 12:24, Politikë CNA

Grupimi për PD, ka paraqitur dy kandidatura për të marrë pjesë në garën për kreun e Partisë Demokratike.

Dy kandidaturat e paraqitura zyrtarisht nga Grupimi për PD, janë Ibsen Elezi, ish-kreu i degës së PD në Kukës, dhe Edith Harxhi, ish-anëtarja e kryesisë së PD.

Në kërkesën drejtuar kryesisë së PD, ky grupim kërkon të zhvillohen zgjedhje të lira e të ndershme.

?Kërkesë për zhvillimin e zgjedhjeve të lira dhe të ndershme për zgjedhjen e Kryetarit të PDSH-së.

Tiranë, 21 maj 2021

Drejtuar: Kryesisë së PDSH.

Nga: Grupi për PD.

Të nderuar zonja dhe zotërinj, bazuar në vendimin e Kryesisë së Partisë Demokratike të Shqipërisë për shpalljen e garës për Kryetar të PDSH që do të mbahen në datë 13 qershor 2021, po ju bëjmë me dije se nga Grupi për PD do paraqiten dy kandidatura, zonja Edit Harxhi dhe zoti Ibsen Elezi.

Për këtë po ju parashtrojmë disa kërkesa të domosdoshme për garantimin e një gare të ndershme dhe të lirë, pavaresisht nga koha tejet e shkurtër e vendosur në mënyrë të njëanshme nga kryesia e PDSH.

1) Kryesia e PDSH-së dhe Komisioni Elektoral të vënë në dispozicion të kandidatëve për Kryetarë të PDSH-së, jo më vonë se data 24 maj 2021, listën e plotë të anëtarësisë së PDSH-së.

2) Të rishikohet përberja e Komisionit Zgjedhor dhe atyre në nivel dege, duke përfshirë përfaqësues të kandidatëve për Kryetar.

3) Të hartohet një axhendë e takimeve të përbashkëta të kandidatëve me anëtarësinë, për të shpalosur platformat politike dhe zhvillimin e debatit.

4) Zyra e Organizimit dhe kryesitë e degëve të venë në funksion të kandidatëve për Kryetar të PDSH-së, infrastrukturën dhe burimet administrative për zhvillimin e takimeve të përbashkta të sipërcituara.

Mbetemi në pritje të plotësimit të këtyre kerkesave te domosdoshme për një gare të hapur, të barabarta dhe të mbështeur në vlerat më të mira perëndimore të Partisë Demokratike të Shqipërisë.

Me respekt,

Grupi për PD?-thuhet në kërkesën drejtuar PD.





Lajmet e fundit nga