web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi fiton betejën ligjore/ "Gjykata rrëzoi gjobën politike"

21 Maj 2021, 11:22, Politikë CNA

Kreu i Forumit Rinor të Partisë Demokratike, Belind Këlliçi bën të ditur se ka fituar betejën ligjore, në lidhje me një gjobë prëj 50 milion lekësh, të vendosur sipas tij nga qeveria Rama për “grumbullime të paligjshme”.

Në një postim në rrjetet sociale, Këlliçi shkruan se Gjykata Administrative e Shkallës së Parë, ka vendosur sot shfuqizimin e masës me gjobë, e gjetur në kundërshtim me ligjin dhe e pabazuar në fakte e prova.

?Bashkë me avokaten e nderuar Zj. Eda Grimci, në seancën përfundimtare për gjobën politike 50 milionë lekë, e vendosur nga qeveria Rama për “grumbullime të paligjshme”.

Gjykata Administrative e Shkallës së Parë, nisur nga padia ime, vendosi sot shfuqizimin e masës me gjobë, e gjetur në kundërshtim me ligjin dhe e pabazuar në fakte e prova.

Përshëndes vendimin e Gjykatës Administrative dhe inkurajoj bashkëqytetarët e mi, të cilët u goditën padrejtësisht gjatë pandemisë nga gjobvënësit politikë, të ngrenë padi dhe të iniciojnë procese të tilla, me besimin se këto gjoba abuzive dhe antiligjore do të rrëzohen menjëherë.

Drejtojuni gjykatës dhe kërkoni drejtësi për veten tuaj.?-shkruan Këlliçi.





Lajmet e fundit nga