Paralajmërimi i fortë i aktivistes/ Fadroma e Rilindjes do të trokasë në çdo shtëpi

21 Maj 2021, 10:35, Politikë CNA

Aktivistja Elona Casli ndërsa komenton aksionin e ndërmarrë pranë fushës së ?Ali Demit? në Tiranë, ku po shemben disa shtëpi private, bën edhe një paralajmërim të fortë.

Casli në postimin e saj paralajmëron se ?fadroma e Rilindjes do trokasë në çdo shtëpi?.

Sipas Caslit, edhe nëse nuk do shembin shtëpitë, ?fadroma e rilindjes do të na shembë vendin e punës, do të na shembë të ardhurat mujore duke na ngritur çmimin e ujit e të dritave. Me pak fjalë, çdo shqiptar ka një fadromë mbi krye, qoftë ky votues i Rilindjes ose jo?.

?Mirë t?ua bëjnë!?

Sot në mëngjes teksa ecja pranë fushës ? Ali Demi? më zuri syri një grumbull me policë. Fillimisht mendova se kish ndodhur një aksident. Mandej duke u afruar më zuri syri njerëz që nxirrnin me shpejtësi paisjet shtëpiake nga shtëpite private. Një vajzë e panjohur më afrohet dhe më drejtohet me emër duke më thënë se më lexonte rregullisht në feisbuk.

-Do na prishin shtëpitë.- u shpreh. Duhet të bëhet rruga. Nuk na ka dhënë asnjë dëmshpërblim deri tani. Këto shtëpi nuk janë ndërtuar në tokë të zënë. Janë trashëguar brez pas brezi.

Teksa vajza fliste dy fadroma të mëdha afrohen. Krijohet një zhurmë e madhe pasi policia përpiqet të shpërndajë me shpejtësi njerëzit e që janë mbledhur dhe shohin me sy të zgurdulluar.

Tani unë nuk pata mundësi ta pyesja atë vajzë kë kish votuar dhe nuk është thelbësore në gjykimin tim, për arsyen e thjeshtë se një njeri në qiell të hapur mbetet një njeri në qiell të hapur.

Por le ta marrim për një çast faktin se banorët e shtëpive të shembura kanë votuar Rilindjen dhe le të themi fjalinë ? mire t?ua bëjnë?. Çfarë ndryshon kjo në këtë mes?!

Unë them asgjë nuk ndryshon. Nuk ndryshon asgjë sepse fadroma e Rilindjes nuk shkon veçse tek votuesit e saj. Fadroma e Rilindjes do të trokasë në çdo shtëpi shqiptare.

Fadroma e Rilindjes ndoshta nuk do të na shembë shtëpinë se nuk i bie lapsi shtëpisë sonë, por do të na shembë vendin e punës, do të na shembë të ardhurat mujore duke na ngritur çmimin e ujit e të dritave. Me pak fjalë, çdo shqiptar ka një fadromë mbi krye, qoftë ky votues i Rilindjes ose jo. Ndaj ajo fjalia ? Mirë t?ua bëjnë? nuk shërben për asgjë, pasi herët ose vonë ajo fadromë do të bjerë në kokën e çdo shqiptari.?-shkruan Elona Casli./ CNA.al