web counter
LEXO PA REKLAMA!

SHKARKO APP

App Store
Google Play

E fundit!

x

“Deklarata e DASH tronditëse”/ Genc Pollo: Berisha ka merita të mëdha historike

21 Maj 2021, 07:38, Politikë CNA

Për ish-deputetin e Partisë Demokratike, Genc Pollo deklarata e DASH, e cila shpallte non-grata ish-kryeministrin dhe ish-presidentin Sali Berisha, ishte tronditëse.

Në një intervistë për DW, Pollo ka theksuar se Berisha ka merita të mëdha historike, në raportet me Shtetet e Bashkuara të Amerikës.

?Ky lajm ka qenë i papritur e tronditës për shumëkënd, jo vetëm për fansat e Doktorit. Nuk i di detajet dhe faktet që mund të kenë shërbyer për bazë.Palët mund t?i sqarojnë. Por më bën përshtypje që Sali Berisha është prej tetë vitesh larg nga çdo ofiq pushteti, ndryshe nga tre personat që Departamenti Amerikan i Shtetit i ka shpallur, në këto tre vitet e fundit ?të padëshiruar?. Berisha ka denoncuar rregullisht paudhësitë e qeverisë Rama; të cilat, me një gjuhë tjetër, por me thelb të njëjtë, denoncohen edhe nga raportet ndërkombëtare. Ndryshe nga tre personat dhe shumë të tjerë, ai ka merita historike edhe në marrëdhëniet e Shqipërisë me SHBA-në. Po kështu nuk kam arritur të kuptoj se si gjyqtari Dvorani, i provuar nga Këshilli i Europës si korruptues i procesit të emërimeve në Gjykatën Kushtetutese, arriti të shpallej Kampion i Antikorrupsionit. Mbase kur të hapen letrat do të shohim më qartë.?-është shprehur Genc Pollo./ CNA.al





Lajmet e fundit nga