web counter
LEXO PA REKLAMA!

SHKARKO APP

App Store
Google Play

“Të zezat e Berishës nuk e mbulojnë korrupsionin”/ Manjani: Po tentohet të mbulohen manipulimet zgjedhore

21 Maj 2021, 08:49, Politikë CNA

Ish ministri i Drejtësisë Ylli Manjani është shprehur se dëmet që po i bëhen sot Shqipërisë janë më të mëdha se ?të zezat? e ish kryeministrit Sali Berisha.

Manjani shkruan se Shqipëria sot është më e vjedhur se kurrë  më parë dhe më jodemokratike në këto 30 vitet e fundit.

“Korrupsioni” (për më tepër i pafaktuar) apo “të zezat” e Berishës në vite, nuk kanë asnjë shanc të mbulojnë korrupsionin e të zezat e sotme që i bëhen Shqipërisë.

Janë galopante dëmet që i bëhen ekonomisë,pronës publike,demokracisë, shtetit ligjor e të drejtave themelore të njeriut.

“Të zezat” e Saliut janë një lule krahasuar me ç’po i bëhet e ç’ju bë këtij vendi këto vite.

Mbi të gjitha viza e refuzuar e Saliut, Saliut që na solli liberalizimin e vizave, nuk i justifikon fare, po hiç fare, zgjedhjet e vjedhura të 25 prillit. As votimet  moniste të 2019-ës.

Nëse diplomacia Amerikane (jo gjykata Amerikane) mendon se duke hedhur gjyle tek mullarët e Sali Berishës,do na bëjë t’i harrojmë këto që  ndodhin sot e ka gabim! Le të jetë sa të dojë Amerikane!

Shqipëria sot është më e vjedhur se kurrë më parë. Është më jo demokratike se kurrë më parë në këto 30 vitet e fundit. Shqipëria institucionale dhe ligjore është më e dobëta se kurrë më parë nga krijimi ynë si shtet.

Me apo pa viza Amerikane, kjo është e vërteta që shohim çdo ditë. Me apo pa viza, shqiptarët ikin…?

E të vijosh të thuash që “fajin e ka Saliu”, një burrë në moshë që ska asgjë në dorë veç fjalës,  i bie që ky fundit qenka megjithmend kokrra e burrit?, shkruan Ylli Manjani./ CNA.al





Lajmet e fundit nga