web counter
LEXO PA REKLAMA!

SHKARKO APP

App Store
Google Play

E fundit!

x

Meta në listën e zezë të SHBA-së/ Berisha i del në mbrojtje

21 Maj 2021, 07:42, Politikë CNA

Ish-Presidenti Sali Berisha, gjatë një interviste mbrëmë në emisionin ?Opinion?, ka dalë në mbrojtje të Presidentit Ilir Meta, i cili pas të gjitha gjasave duket se është nën shënjestrën e SHBA.

Kjo nisur edhe nga deklaratat e ambasadores amerikane Yuri Kim në Tiranë, por edhe nga qëndrimi i Metës që e ka sulmuar herë pas herë diplomaten amerikane.

Ndërsa, ka komentuar deklaratën e Sekretarit Amerikan të Shtetit Antony Blinken,?se ai pasuroi aleatët e tij, gjatë kohës që ishte në pushtet?, Berisha është ndalur edhe tek Presidenti Ilir Meta.

Berisha është rikthyer pas tek videoja ?Meta-Prifti?, duke thënë se ishte vetë Meta që kërkoi drejtësi dhe jo organet hetuese.

?Ilir Meta pati një problem, doli video e cila ishte 29 herë copy-paste. Ilir Meta dha dorëheqjen dhe shkoi vetë në Gjykatë?, tha Berisha në emisionin Opinion.

Duke i dalë kështu në mbrojtje Presidentit për çështjen shumë të përfolur, për të cilën nuk u bë kurrë drejtësi.

Kjo nuk ka ndodhur sipas, Berishës, pasi prokuroria nuk hetoi, pavarësisht se gjërat kanë rrjedhur ndryshe dhe Berisha, dyshohet se ka ndikuar deri në pafajësinë e Metës.

Meta duket se do të jetë i radhës në ?listën e zezë? të Amerikës, derisa Berisha, justifikoi një natë më parë.

Meta aktualisht edhe në një proces hetimi nga  Komisioni i Posaçëm Parlamentar, por nuk përjashtohen hetimet ndaj tij, as nga organet hetuese siç është SPAK-u, në lidhje me bllokun e zi  apo aferën e 7 përqindëshit që njihet ndryshe, por edhe për çështje të tjera, për të cilat Ilir Meta nuk ka dhënë llogari.

Drejtësia e cila dyshohet të ketë marrë urdhëra politikë për 7 përqindëshin nga Berisha e ka amnistuar Metën nga hetimet, po tashmë duket se rrethi është ngushtuar dhe Meta do të japë llogari në bankën e të akuzuarve.

HETIME-FARSË

Kujtojmë se në vitin 2011, pas hetimeve të para të kryera nga Prokuroria e Tiranës, e cila realizoi verifikimet paraprake dhe mbledhjen e dokumentacionit në lidhje me çështjet që përmendeshin në videon Meta-Prifti, dosja u dërgua në Prokurorinë e Përgjithshme.

Kjo e fundit në shkurt 2011, kërkoi ekspertim vërtetësie për videon e publikuar nga Dritan Prifti në emisionin ?Fiks Fare?.

Më 11 shkurt 2011, Prokuroria e Përgjithshme iu drejtua Kuvendit të Shqipërisë me një kërkesë për heqjen e imunitetit të Ilir Metës, por edhe të Dritan Priftit.

Kërkesa drejtuar Kuvendit u bë një ditë pasi një specialist amerikan dorëzoi në Prokurori raportin e ekspertizës, në të cilën theksonte se videot ishin origjinale.

Me 24 shkurt 2011, Kuvendi i Shqipërisë votoi heqjen e imunitetit, ndërsa më pas Prokuroria vazhdoi hetimet duke kërkuar edhe një ekspertizë nga një specialist anglez.

Këtij të fundit iu kërkua të pastronte zërin e regjistruar në video-përgjimin e Dritan Priftit.

Eksperti anglez hoqi nga audioja e videos zhurmat e orës, interferencën e ambientit, por nuk arriti të pastrojë më shumë se 70 për qind të zërit në video.

U bë ekspertizë pas ekspertizë, derisa  gjithçka përfundoi në duart e disa ekspertëve, si Artur Rrahmani, Ardian Pollo dhe Ermal Beqiri, të cilët më pas u shpërblyen nga Meta e LSI-ja.

Kujtojmë se fatura për pagesën e ekspertëve ishte rreth 35 milionë lekë të vjetra, të cilat u morën nga taksat e shqiptarëve.

Ekspertët shqiptarë kushtuan plot shtatë herë më shumë sesa eksperti amerikan, Glen Bard, i cili u pagua vetëm 5 mijë dollarë, nga taksat e shqiptarëve edhe pse ekspertiza e tij u shpall e pavlefshme. Eksperti amerikan është paguar po nga Prokuroria e Përgjithshme.

Pra, qytetarët shqiptarët paguan për ta nxjerrë të pafajshëm Ilir Meta nga akuza e korrupsionit.

Pasi, në vitin 2012, fund Gjykata e Lartë, e cila dyshohet se ka pasur ndikim nga Berisha e shpalli të pafajshëm ish-zëvendëskryeministrin Ilir Meta edhe pse u kap me zë dhe figurë duke bërë pazare, ndërsa organi i akuzës kishte kërkuar me 2 vite burg dhe 1 milionë lekë gjobë./CNA.al





Lajmet e fundit nga