E fundit!

13:58 Aktualitet

Abuzuan me fondet dhe skemën e ndihmës ekonomike/ Jepen masa sigurimi për 6 zyrtarë

Me kërkesë të Prokurorisë pranë Gjykatës së Shkallës së Pa...

Basha del “zbuluar” para demokratëve/ Çfarë mund të ndodhë me 13 qershor

21 Maj 2021, 09:16, Politikë CNA

Ish-kryeministri dhe lideri historik i Partisë Demokratike, Sali Berisha ka nxjerrë zbuluar para demokratëve, fytyrën e vërtetë të atij që drejton sot këtë forcë politike.

Mbrëmjen e djeshme, Sali Berisha në deklaratat e tij në emisionin ?Opinion?, mbajti qëndrime mjaft të qarta dhe të drejtpërdrejta, në drejtim të Lulzim Bashës.

Edhe pse Lulzim Basha për të gjitha dështimet e tij ka tentuar çdo herë t?ia faturojë Sali Berishës, duke u justifikuar me fjalinë ?Nuk më lë Berisha?, mbrëmjen e djeshme ai doli zbuluar në sy të demokratëve.

Sali Berisha e tha qartë se të gjitha vendimet, të cilat gjatë këtyre viteve kanë çuar PD-në drejt katastrofës, janë përgjegjësi e vetëm një personi, dhe ai quhet Lulzim Basha.

Le të rendisim faktet

Së pari kujtojmë këtu çadren e vitit 2017, që u pasua me një marrëveshje me kryeministrin Edi Rama, mori gjysmën e qeverisë, dhe demokratët morën 15 mandate më pak se katër vite më parë.

Për këtë vendim katastrofik për Partinë Demokratike, Berisha e tha qartë se përgjegjës është Lulzim Basha.

?Kush më njeh mua nuk mund ta imagjinojë kurrë që unë të fus në çadër. Sali Berisha është njeriu i shesheve. Nuk do të fusja në çadër kurrën e kurrës. Ky ishte vendim i Lulzim Bashës?-u shpreh Berisha.

Shkojmë tek një tjetër vendim, pasojat e të cilit sërish ishin katastrofike për PD-në. Djegia e mandateve, braktisja e institucioneve i dha Edi Ramës në tavolinë të gjitha pushtetet. Gjë që i solli PD-së një kosto të madhe elektorale, por edhe një krisje të fortë në raport me ndërkombëtarët.

Edhe në këtë rast Basha ka tentuar që ?fajin t?ia lërë Saliut?, megjithatë ky i fundit mbrëmjen e djeshme e tha qartë ?Nuk ka qënë vendimi im. E kam paralajmëruar, një vendim i tillë mund të sjellë fitore, por mund të na çojë edhe në katastrofë?.

Sërish Lulzim Basha bëri në kokën e tij dhe pasojat tashmë i dinë të gjithë shqiptarët.

Shkojmë tek një tjetër betejë, e lënë në tavolinë nga Lulzim Basha.

Zgjedhjet lokale të 30 qershorit. Lulzim Basha i bojkotoi, duke i dorëzuar Edi Ramës edhe pushtetin vendor. Rama mori në tavolinë 61 bashki.

Gjithashtu edhe në lidhje me bojkotimin e zgjedhjeve lokale, Berisha tha se vendimi ishte i Lulzim Bashës, dhe se ai vetëm sa respekton vendimet e kryetarit të partisë.

?Absolutisht jo, nuk ka qënë vendimi im. Unë as nuk jam përzier fare në atë vendim. Unë vetëm respektoj vendimin e kreut të partisë?-u shpreh dje Berisha.

Këto janë vetëm disa nga dështimet e Lulzim Bashës, për të cilat ka tentuar që përgjegjësinë tia faturojë, Sali Berishës, por tashmë çdo demokrat është i qartë se kush i mori ato vendime.

Çfarë mund të ndodhë me 13 qershor

Por, ajo çfarë tha Berisha mbrëmjen e djeshme mund të jetë një kthesë e fortë edhe në Partinë Demokratike.

Lulzim Basha drejton PD-në prej tetë vitesh, ndërsa Sali Berisha është lideri historik i demokratëve. Mesazhet e tij të mbrëmshme ishin mjaft të qarta dhe të drejtpërdrejta, gjë që mund të sjellë edhe ?surpriza? për Lulzim Bashën, në farsën që po përgatit me 13 qershor.

Edhe pse Lulzim Basha ka mbledhur në Partinë Demokratike sorosianë dhe servile të tij, duket se pa mbështetjen e Sali Berishës do ta ketë shumë të vështirë, edhe të ruajë karrigen e kryetarit, që është qëllimi i tij kryesor.

Tashmë Lulzim Basha nuk ka ku të fshihet. Demokratët të cilët i tërhoqi zvarrë, i gënjeu e mashtroi prej tetë vitesh, e dinë se kush është. Tashmë i mbetet vetëm të shkojë në Surrel me vrap dhe të fshihet tek ortaku i tij në qeveri./ CNA.al

Faktet dhe akuzat/ Berisha ekzekuton Bashën