web counter
LEXO PA REKLAMA!

SHKARKO APP

App Store
Google Play

Përfaqësuesi i PD denoncon në KAS/ Vëzhguesit tanë u kërcënuan

21 Maj 2021, 14:07, Politikë CNA

Pas përfundimit të numërimit të 114 kutive të votimit në qarkun e Beratit, përfaqësuesi ligjor i PD-së Marash Logu ka denoncuar në KAS se një nga vëzhguesit demokratë është kërcënuar me jetë nga Joana Melëngu, vëzhguese e PS.

Logu thotë se Melëngu është e njëjta që u kap më 20 prill me furgonin e ushqimore duke i shpërndarë tek qytetarë për të marrë vota.

Ai thekson se Melëngu i ka thënë vëzhguesit të PD do ta shohësh kur të dalësh jashtë, do ta pres gjuhën.

?Sot dhe ditën e djeshme në tavolinën e numërimit shtetasja Joana Melenku vëzhguese e PS, kryetare e njësisë administrative nr.2 në Berat ka kërcënuar një vëzhgues të PD. Do ta shohësh kur të dalësh jashtë, do ta pres  gjuhën. Joana Melëngu, është e njëjta. Kjo fjalë duhet mbajtur këtu se ka lidhje me këtë proces.

Joana Melenku që kërcënoi vëzhguesin e PD, më 20 prill 2021 u kap në flagrancë duke ndarë ndihma ushqimore në këmbim të votës. Me paturpësi, në shkelje flagrante të ligjit, shantazhon e kërcënon një vëzhgues të PD. A e kuptoni zotërinj çfarë po ndodh këtu?

Shtetasve ka kërcënuar me jetë vëzhguesin e PD. E Njëjta që më 20 prill shpërndau ndihma ushqimore. Nuk kemi frikë ti denoncojmë këto fakte, s?doni ti pranoni?, tha Logu për mediat./CNA.al





Lajmet e fundit nga