web counter
LEXO PA REKLAMA!

SHKARKO APP

App Store
Google Play

Andrea Mano kundër Bashës: Të japë dorëheqjen

21 Maj 2021, 14:23, Politikë CNA

Kreu lokal i dorëhequr i PD-së në Korçë Andrea Mano ka dalë hapur kundër Lulzim Bashës. CNA.al ka mësuar nga bashkëpunëtorët dhe grupi i tij se Andrea Mano dhe drejtues lokal të Partisë Demokratike kanë kërkuar që Lulzim Basha të japë dorëheqjen.

Qëndrimi i tyre ka ardhur menjëherë pas ngritjes së komisionit apo edhe reagimeve të shpejta të Jemin Gjanës, se si duhet proceduar me zgjedhjet në PD, pa bërë më parë një analizë, duke kaluar direkt në zgjedhjet për kryetarin e partisë.

Mano njihet si një nga ish mbështetësit më të mëdhenj të Lulzim Bashës, i gënjyer disa herë nga ky i fundit, pasi iu premtua kandidimi në zgjedhjet lokal të 2015-tës dhe nuk iu dha, u vendos në listën humbëse në vitin 2017, duke u vendosur mbi të çuni i Fahri Balliut apo Ervin Salianji dhe e njëjta situatë ndodhi edhe në vitin 2021, kur ai u vendos i 17-i pas kandidaturës së Salianjit, Bledjon Nallbatit apo edhe Seladin Jakupllarit.

Mesa duket pakënaqësitë dhe mosvlerësimi nga Lulzim Basha dhe fakti se PD ka humbur dhe mosnjohja e rezultatit real ka bërë që Mano dhe të tijët të dalin kundër kreut Basha.

CNA.al gjithashtu ka mësuar se reagimi i Manos ka ardhur kryesisht brenda strukturave lokale, pra nuk ka një përballje publike. Por pas anulimit të takimit të Lulzim Bashës në Korçë tashmë zërat duket se janë edhe më të fortë, edhe më të qartë; kërkohet dorëheqja e Lulzim Bashës dhe një analizë e plotë për të zbuluar shkaqet e vërteta të humbjes në zgjedhjet e 25 prillit.

Mano mund të përpiqet tashmë ta mohoj këtë fakt, për t’iu fshehur përballjes me Bashën, por këto janë veprime të cilat nuk e shpëtojnë dot më as atë si një kryetar dege i humbur dhe i pa shpresë më në PD, ashtu si kundër kushdo zë që ka mohuar mendimin e vet dhe të vërtetën ka dështuar dhe më pas është larguar me turp./CNA.al





Lajmet e fundit nga