web counter
LEXO PA REKLAMA!

SHKARKO APP

App Store
Google Play

Gjykata franceze nuk ka juridiksion mbi vendimin e DASH

21 Maj 2021, 19:08, Politikë CNA

“Tribunal Correctionel De Paris” është dhomë e Gjykatës së Shkallës së Parë franceze në Paris.

Gjykata e Shkallës së parë të Parisit, gjykon kundravajtje penale dhe krime që dënohen deri në 10 vite.

Dhoma në fjalë, është seksion i gjykatës së Parisit, me objekt gjykimin e krimeve të rënda (Tribunal Correctionel De Paris  – Gjykata e Vlerësimit).

Kjo është dhoma e referuar si gjykata ku do apeloje Berisha.

Kjo gjykatë ka kompetenca lëndore mbi çështjet kanë të bëjnë me kundravajtje, dhe krime që kanë si dënim penal maksimumi deri në 10 vite sipas ligjit Francës.

Kjo nuk është gjykatë ndërkombëtare, që do të thotë se territori i çështjeve që mbulon (kompetenca territoriale) është Parisi.

Kjo do të thotë që lënda e gjykatës jane veprat penale që kryen aty apo kur të prekurit (viktimat) janë shtetas francez.

Ish kryeministri Berisha tha se padinë, avokati i tij Jean-Yves Le Borgne e bëri në gjykatën korreksionale të Parisit. Kjo gjykatë nuk ka asnjë juridiksion ndaj vendimeve të Departamentit të Shtetit, apo edhe vetë Sekretarit të Shtetit Blinken.

Tribunali korreksional nuk ka kompetence territoriale në ShBA dhe zoti Berisha nuk është shtetas francez (për aq sa dimë)./CNA.al





Lajmet e fundit nga