web counter
LEXO PA REKLAMA!

SHKARKO APP

App Store
Google Play

E fundit!

x

Basha tallet me demokratët/ Mbledh Këshillin Kombëtar dhe Kryesinë për të mbrojtur karrigen

12 Maj 2021, 19:37, Politikë CNA

Në datë 16 Maj Partia Demokratike do të mbledhë Kryesinë dhe Këshillin Kombëtar, që është forumi më i lartë vendimmarrës.

Sipas burimeve të CNA.al mësohet se ka qenë sekretari i përgjithshëm Gazment Bardhi ai i cili u ka dërguar mbrëmjen e sotme një mesazh anëtarëve të Kryesisë dhe Këshillit Kombëtar, ku theksohet se dy organizmat e partisë do të mblidhen për për proceset politike pas situatës së krijuar me masakrën elektorale të zgjedhjeve të 25 Prillit.

Pra e thënë ndryshe, Lulzim Basha do detyrojë Këshillin të ndjekë rrugën e tij për mos njohjen e zgjedhjeve, në mënyrë që të sigurojë kandidimin për kryetar.

Basha në mbledhjen e Këshillit Kombëtar thjesht hap garën formale, ku do të rizgjidhet në krye të PD-së.

Luli ka nisur talljet me demokratët, ku në rend dite ka masakra elektorale. Ai kërkon të justifikojë humbjen e tij fatale dhe të shkojë drejt pazarit me Ramën.

Mirë që humbi e do karrigen e kryetarit, por si lë njerëzit rehat as të dielën e do ditë gënjeshtrash.

?Të nderuar anëtarë të Kryesisë!

Ditën e dielë, datë 16 Maj 2021, ora 17:00, do të zhvillohet mbledhje e Kryesisë së Partisë, me rend ditë: ?Diskutime dhe vendimmarrje sipas Statutit për proceset politike pas situatës së krijuar me masakrën elektorale të zgjedhjeve të 25 Prillit?.

Më pas, në orën 19:00, me të njëjtin rend dite, do të zhvillohet mbledhja e Këshillit Kombëtar.

Mbledhjet do të zhvillohet në selinë e Partisë, në sallën e Grupit Parlamentar, Kati i II.

Ju lutem merrni masat për pjesëmarrjen tuaj!

Me respekt,

Sektetari i Përgjithshëm

Gazment Bardhi?, thuhet në mesazhin që u ka dërguar Gazment Bardhi./CNA.al





Lajmet e fundit nga